போக்குவரத்து விதிமுறைகள் குறித்து காவல்துறை ஆலோசனை

புதுக்கோட்டை மாவட்ட காவல் அலுவலகத்தில் வாகன ஓட்டுநர்களுக்கான போக்குவரத்து விதிமுறைகள் குறித்த ஆலோசனைக்

கூட்டம் புதன்கிழமை நடைபெற்றது.

கூட்டத்துக்கு, மாவட்ட காவல்துறை கண்காணிப்பாளர் இ.ஏ. உமா தலைமை வகித்தார்.

இதில் வாகன ஓட்டுநர்கள் கடைப்பிடிக்க வேண்டிய நெறிமுறைகள், விபத்துக்கான காரணங்கள், நெடுஞ்சாலைகளில் ஏற்படும் திருட்டு, வழிப்பறி போன்ற குற்றங்களை தடுப்பது குறித்து அறிவுறுத்தப்பட்டது.

இதில், நகர துணைக் கண்காணிப்பாளர் செந்தில்வேல், தனிப்பிரிவு ஆய்வாளர் ராஜேந்திரன், கணேஷ்நகர் காவல் நிலைய ஆய்வாளர் பி. தமிழ்மாறன், போக்குவரத்து வாகன ஆய்வாளர்

அனிதா மற்றும் அரசு போக்குவரத்து, தனியார் பேருந்து

ஓட்டுநர்கள், புதுகை மற்றும் கந்தர்வகோட்டை பகுதிகளை சேர்ந்த லாரி, வேன், கார் மற்றும் ஆட்டோ ஓட்டுநர்கள் பங்கேற்றனர்.