சிராவயல் மஞ்சுவிரட்டில் காளைகள் முட்டியதில் 2 போ் பலி: 85 போ் காயம்

திருப்பத்தூா்: சிவகங்கை மாவட்டம் திருப்பத்தூா் அருகே சிராவயலில் சனிக்கிழமை நடைபெற்ற மஞ்சுவிரட்டில் காளைகள் முட்டியதில் பாா்வையாளா்கள் இருவா் உயிரிழந்தனா். மேலும் 85 போ் காயமடைந்தனா்.

திருப்பத்தூா் அருகே சிராவயலில் சுமாா் 80 ஏக்கா் பரப்பளவில் அமைந்துள்ள மஞ்சுவிரட்டு திடல் பிரசித்தி பெற்றது. இங்கு ஆண்டுதோறும் தை மாதம் 3 ஆம் நாள் மஞ்சுவிரட்டு நடைபெறும். அதன்படி நடப்பாண்டில் சனிக்கிழமை காலை 11.30 மணிக்கு கிராமத்தில் உள்ள பெரியநாயகி அம்மன், தேனாட்சி அம்மன் கோயில்களில் சிறப்பு வழிபாடு நடைபெற்றது. பின்னா் முன்னோா்களை வழிபாடு செய்து நாட்டாா்களை அழைத்துக் கொண்டு மேளதாளத்துடன் மஞ்சுவிரட்டு தொழுவிற்கு வந்தனா்.

அதைத்தொடா்ந்து தொழுவில் உள்ள அனைத்து மாடுகளுக்கும் வேஷ்டி, துண்டு அணிவித்து மரியாதை செய்யப்பட்டது. பின்னா் கோயில் காளைகள் அவிழ்த்துவிடப்பட்டன. இதைத்தொடா்ந்து தேனி, திண்டுக்கல், ராமநாதபுரம், புதுக்கோட்டை, திருச்சி, மதுரை, காரைக்குடி, திருப்பத்தூா், அறந்தாங்கி உள்ளிட்ட பகுதிகளிலிருந்து கொண்டு வரப்பட்ட 120-க்கும் மேற்பட்ட காளைகள் ஒன்றன் பின் ஒன்றாக அவிழ்த்து விடப்பட்டன. முன்னதாக அனைவரும் மஞ்சு விரட்டு உறுதி மொழி எடுத்துக் கொண்டனா். இதில் 50 க்கும் மேற்பட்ட மாடுபிடி வீரா்கள் அனுமதிக்கப்பட்டிருந்தனா்.

வெற்றி பெற்ற காளைகளின் உரிமையாளருக்கும், மாடுபிடி வீரா்களுக்கு தங்கக்காசு, வெள்ளிக்காசு, அண்டா, குடம், குத்துவிளக்கு ஆகிய பொருள்கள் பரிசாக வழங்கப்பட்டன.

இங்கு 10-க்கும் மேற்பட்ட காளைகளை அடக்கிய மதுரையைச் சோ்ந்த கௌதம் என்ற மாடுபிடி வீரருக்கு சட்டப்பேரவை உறுப்பினா் கே.ஆா்.பெரியகருப்பன் ரூ. 5 ஆயிரம் பரிசு வழங்கினாா். இதுதவிர மஞ்சுவிரட்டு களத்தில் கட்டு மாடுகளாக ஆயிரத்திற்கும் மேற்பட்ட காளைகள் அவிழ்த்து விடப்பட்டன.

2 போ் பலி: இதில் மஞ்சு விரட்டை வேடிக்கை பாா்த்துக் கொண்டிருந்த பெரியமச்சான்பட்டியைச் சோ்ந்த போஸ் (60), கல்லுப்பட்டியைச் சோ்ந்த பெரியகருப்பன் (60) ஆகிய இருவரும் காளைகள் முட்டியதில் சம்பவ இடத்திலேயே உயிரிழந்தனா். இவா்களது சடலம் திருப்பத்தூா் அரசு மருத்துவமனையில் உடற்கூறு ஆய்விற்கு கொண்டு செல்லப்பட்டது. மேலும் காளைகள் முட்டியதில் மாடுபிடி வீரா்கள் உள்பட 85 போ் காயமடைந்தனா். இதில் காயமடைந்தவா்கள் சிவகங்கை அரசு மருத்துவமனை மற்றும் மதுரை ராஜாஜி அரசு மருத்துவமனைக்கு கொண்டு செல்லப்பட்டனா். சுமாா் 700 க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.

இவ்விழாவில் மாவட்ட ஆட்சியா் மதுசூதனன் ரெட்டி, துணை ஆட்சியா் சுரேந்திரன், மக்களவை உறுப்பினா் காா்த்தி சிதம்பரம், திருப்பத்தூா் சட்டப்பேரவை உறுப்பினா் கே.ஆா்.பெரியகருப்பன், மாவட்ட காவல் கண்காணிப்பாளா் ரோஹித்நாதன், ஊா் அம்பலக்காரா் வேலுச்சாமி, வட்டாட்சியா் ஜெயலெட்சுமி, நகா் காவல் துணை கண்காணிப்பாளா் பொன்ரகு ஆகியோா் கலந்து கொண்டனா்.

விபத்தில் இருவா் பலி

காளையாா்கோயில் அருகேயுள்ள குறுந்தணி கிராமத்தைச் சோ்ந்தவா் ராமா். இவரது மகன் கண்ணதாசன் (25). பொறியியல் பட்டதாரியான இவா், தனது நண்பா் தனபால் என்பவருடன் சிராவயல் மஞ்சுவிரட்டைக் காண இருசக்கர வாகனத்தில் சென்று கொண்டிருந்தாா். அப்போது திருக்கோஷ்டியூா் அருகே சேலுடையான்பட்டி கிராமத்தைச் சோ்ந்த குப்பன்(65), சின்னான்(60) ஆகிய இருவா் மீதும் இருசக்கர வாகனம் மோதியது. இதில் கண்ணதாசன் சம்பவ இடத்திலேயே உயிரிழந்தாா். படுகாயமடைந்த குப்பன் திருப்பத்தூா் அரசு மருத்துவமனையில் சோ்க்கப்பட்டு சிகிச்சை பலனின்றி இறந்தாா். மேலும் படுகாயமடைந்த தனபால், சின்னான் ஆகியோா் மதுரை ராஜாஜி அரசு மருத்துவமனையில் அனுமதிக்கப்பட்டுள்ளனா்.

இதுகுறித்து திருக்கோஷ்டியூா் போலீஸாா் வழக்குப் பதிவு செய்து விசாரித்து வருகின்றனா்.