ஜப்பான் ஓபன்: சாய்னா நேவால் அதிர்ச்சி தோல்வி!

உலகின் நெ.1 பேட்மிண்டன் வீராங்கனையான சாய்னா நேவால் ஜப்பான் ஓபனில் 2-வது சுற்றில் தோல்வியடைந்து வெளியேறினார்.

ஜப்பான் ஓபன் சூப்பர் சீரிஸ் பாட்மிண்டன் போட்டி டோக்கியோவில் நடைபெற்று வருகிறது.  இதன் 2-வது சுற்றில் உலகின் 18-ம் நிலை வீராங்கனையான ஜப்பானின் மினாட்சு மிடானியை எதிர்கொண்டார் சாய்னா. நிச்சயம் வெற்றி பெறுவார் என்று எதிர்பார்த்த நிலையில்  21-13, 21-16 என நேர் செட்களில் தோல்வி அடைந்தார். 40 நிமிடங்களில் இந்த ஆட்டம் முடிந்தது. மிடானி, முதல் சுற்றில் பி.வி.சிந்துவைத் தோற்கடித்தார்.