செய்தி மடல்
இ-பேப்பர்
/
ஜான்சி: உத்தர பிரதேச மாநிலம், ஜான்சியில் 15-ஆவது சீனியர் ஆடவர் தேசிய ஹாக்கி சாம்பியன்ஷிப் வெள்ளிக்கிழமை (ஏப். 4) தொடங்குகிறது.
வரும் 15-ஆம் தேதி வரை நடைபெறவுள்ள இந்தப் போட்டியில் மொத்தம் 30 அணிகள் பங்கேற்கின்றன. "பி' மற்றும் "சி' டிவிஷன் ஆட்டங்கள் வெள்ளிக்கிழமையும் (ஏப். 4), "ஏ' டிவிஷன் ஆட்டங்கள் செவ்வாய்க்கிழமையும் (ஏப். 8) தொடங்குகின்றன.
முதல் முறையாக இந்தப் போட்டி டிவிஷன் ஃபார்மட்டில் நடத்தப்படுகிறது. அதாவது, போட்டியில் பங்கேற்கும் அணிகள் "ஏ', "பி', "சி' என 3 டிவிஷன்களாக பிரிக்கப்பட்டுள்ளன. இதில் "ஏ' டிவிஷன் அணிகளே சாம்பியன் பட்டத்துக்காக மோதும். "பி' டிவிஷன் அணிகள் அடுத்த சீசனில் "ஏ' டிவிஷனுக்கு முன்னேறுவதற்காகவும், "சி' டிவிஷன் அணிகள் அடுத்த சீசனில் "பி' டிவிஷனில் இடம் பிடிப்பதற்காகவும் விளையாடவுள்ளன.
"ஏ' டிவிஷன்: இந்த சீசனில் "ஏ' டிவிஷனில் நடப்பு சாம்பியன் ஒடிஸô, ஹரியாணா, பஞ்சாப், மத்திய பிரதேசம், மகாராஷ்டிரம், ஜார்க்கண்ட், உத்தர பிரதேசம், தமிழ்நாடு, பெங்கால், கர்நாடகம், புதுச்சேரி உள்பட 12 அணிகள் இடம் பிடித்துள்ளன. இவை தலா 3 அணிகள் வீதம் 4 குரூப்களாக பிரிக்கப்படும்.
ஒவ்வொரு குரூப்பிலுள்ள அணிகளும், இதர அணிகளுடன் தலா ஒரு ஆட்டத்தில் மோதும். குருப் சுற்று முடிவில் ஒவ்வொரு குரூப்பிலும் முதலிரு இடங்களைப் பிடிக்கும் அணிகள் காலிறுதிக்குத் தகுதிபெறும்.
"பி' டிவிஷன்: "பி' டிவிஷனில் இருக்கும் சண்டீகர், கோவா, தெலங்கானா, ஆந்திர பிரதேசம், உத்தரகண்ட், தில்லி, மிúஸôரம், தாத்ரா நகர் ஹவேலி, கேரளம், அஸ்ஸôம் ஆகிய 10 அணிகளும் தலா 5 அணிகள் வீதம் இரு குரூப்களாக பிரிக்கப்படும்.
குரூப் சுற்று முடிவில் இரு குரூப்களிலும் முதல் இரு இடங்களைப் பிடிக்கும் அணிகள் அடுத்த சீசனில் "ஏ' டிவிஷனுக்கு முன்னேறும். கடைசி இரு இடங்களைப் பிடிக்கும் அணிகள் அடுத்த சீசனில் "சி' டிவிஷனுக்குதள்ளப்படும்.
"சி' டிவிஷன்: "சி' டிவிஷனில் உள்ள ராஜஸ்தான், அருணாசல பிரதேசம், ஜம்மு & காஷ்மீர், திரிபுரா, சத்தீஸ்கர், ஹிமாசல பிரதேசம், பிகார், குஜராத் ஆகிய 8 அணிகளும் தலா 4 அணிகள் வீதம் 2 குரூப்களாக பிரிக்கப்படும். குரூப் சுற்று முடிவில் இரு குரூப்களிலும் முதலிரு இடங்களைப் பிடிக்கும் அணிகள் அடுத்த சீசனில் "பி' டிவிஷனுக்கு முன்னேறும்.
ஏற்கெனவே, கடந்த மார்ச் மாதம் சீனியர் மகளிர் தேசிய சாம்பியன்ஷிப் இந்த புதிய டிவிஷன் முறையில் நடைபெற்றது நினைவுகூரத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
