செய்தி மடல்
இ-பேப்பர்
டாப் ஆர்டர் நன்றாக விளையாட வேண்டும்; ரவீந்திர ஜடேஜா வலியுறுத்தல்!
பாக்ஸிங் டே டெஸ்ட் போட்டியில் வெற்றி பெற டாப் ஆர்டர் பேட்ஸ்மேன்கள் நன்றாக விளையாட வேண்டும்.
ரவீந்திர ஜடேஜா (கோப்புப் படம்)
பாக்ஸிங் டே டெஸ்ட் போட்டியில் வெற்றி பெற டாப் ஆர்டர் பேட்ஸ்மேன்கள் நன்றாக விளையாட வேண்டும் என இந்திய அணியின் நட்சத்திர ஆல்ரவுண்டர்களில் ஒருவரான ரவீந்திர ஜடேஜா தெரிவித்துள்ளார்.
இந்தியா மற்றும் ஆஸ்திரேலிய அணிகளுக்கு இடையிலான பார்டர் - கவாஸ்கர் டெஸ்ட் தொடரில் இதுவரை மூன்று போட்டிகள் நிறைவடைந்துள்ளன. இரு அணிகளுக்கும் இடையிலான மூன்றாவது டெஸ்ட் போட்டி டிராவில் முடிந்தது. தற்போது இரு அணிகளும் தலா ஒரு வெற்றியுடன் தொடரில் சமநிலையில் உள்ளன.
இதையும் படிக்க: முன்னாள் கிரிக்கெட்டர் ராபின் உத்தப்பாவுக்கு பிடிவாரண்ட்!
டாப் ஆர்டர் நன்றாக விளையாட வேண்டும்
5 போட்டிகள் கொண்ட டெஸ்ட் தொடரின் பாக்ஸிங் டே போட்டி மெல்போர்னில் நடைபெறவுள்ள நிலையில், பாக்ஸிங் டே டெஸ்ட் போட்டியில் வெற்றி பெற டாப் ஆர்டர் பேட்ஸ்மேன்கள் நன்றாக விளையாட வேண்டும் என ரவீந்திர ஜடேஜா தெரிவித்துள்ளது முக்கியத்துவம் பெறுகிறது.
இது தொடர்பாக அவர் பேசியதாவது: வெளிநாடுகளில் விளையாடும்போது, அணியின் டாப் ஆர்டர் பேட்ஸ்மேன்கள் சிறப்பாக விளையாடுவது மிகவும் முக்கியம். அதிலும் குறிப்பாக, ஆஸ்திரேலியா மற்றும் தென்னாப்பிரிக்காவில் விளையாடும்போது, அவர்கள் மிகவும் நன்றாக விளையாட வேண்டும். முன்வரிசை ஆட்டக்காரர்கள் சிறப்பாக விளையாடத் தவறும்போது, பின்வரிசை ஆட்டக்காரர்களின் மீதான பொறுப்பும் அழுத்தமும் அதிகரிக்கிறது. மெல்போர்ன் டெஸ்ட் போட்டியில் டாப் ஆர்டர் மற்றும் மிடில் ஆர்டர் பேட்ஸ்மேன்கள் நன்றாக செயல்பட்டு ரன்கள் குவிப்பார்கள் என நம்புகிறேன் என்றார்.
இதையும் படிக்க: அஸ்வினின் மனைவி எழுதிய இதயப்பூர்வமான புகழுரை..!
மழையால் பாதிக்கப்பட்ட மூன்றாவது டெஸ்ட் போட்டி டிராவில் முடிய ரவீந்திர ஜடேஜா முதல் இன்னிங்ஸில் 77 ரன்கள் குவித்தது முக்கிய காரணமாக அமைந்தது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.