விராட் கோலியை முந்திய ஸ்டீவ் ஸ்மித்..! இந்த முறை அதிக கேட்ச்சுகளில்!

இந்திய வீரர் விராட் கோலியைவிட அதிக கேட்ச்சுகள் பிடித்தவராக ஸ்டீவ் ஸ்மித் சாதனை படைத்துள்ளார்.

இந்தியாவுக்கு எதிரான 4-ஆவது டெஸ்ட்டில் ஆஸ்திரேலியா 184 ரன்கள் வித்தியாசத்தில் திங்கள்கிழமை வெற்றி பெற்றது. இதையடுத்து, 5 ஆட்டங்கள் கொண்ட தொடரில் ஆஸ்திரேலியா 2-1 என முன்னிலை பெற்றது.

இந்தப் போட்டியில் ஆஸ்திரேலியாவைச் சேர்ந்த ஸ்டீவ் ஸ்மித் 3 கேட்ச்சுகள் பிடித்தன்மூலம் விராட் கோலியை முந்தியுள்ளார்.

பார்டர்- கவாஸ்கர் (பிஜிடி) தொடரில் அதிக கேட்ச்சுகள் பிடித்தவர்கள் பட்டியலில் மூன்றாவது இடம் பிடித்துள்ளார் ஸ்டீவ் ஸ்மித்.

குறைவான போட்டிகளிலே ஸ்மித் இந்த சாதனையை படைத்துள்ளது குறிப்பிடத்தக்கது. ஒட்டுமொத்தமாக டெஸ்ட் போட்டிகளில் ஸ்மித் 192 கேட்ச்சுகளுடன் 6ஆவது இடத்தில் இருக்கிறார்.

டெஸ்ட்டில் ராகுல் டிராவிட் 210 கேட்ச்சுகளுடன் முதலிடத்தில் இருப்பதும் குறிப்பிடத்தக்கது.

பிஜிடி தொடரில் அதிக கேட்ச்சுகள்

1. ராகுல் திராவிட் - (60 இன்னிங்ஸ்) - 46

2. விவிஎஸ் லக்‌ஷ்மணன் - (54 இன்னிங்ஸ்) - 36

3. ரிக்கி பாண்டிங் - (57 இன்னிங்ஸ்) - 36

4. ஸ்டீவ் ஸ்மித் - (41 இன்னிங்ஸ்) - 34

5. விராட் கோலி - (54 இன்னிங்ஸ்) - 31

6. மைக்கேல் கிளார்க் - (43 இன்னிங்ஸ்) - 29