இந்தியன் ஃபுட்பால் லீக்: ராஜஸ்தான் யுனைடெட் வெற்றி

இந்தியன் ஃபுட்பால் லீக் (ஐஎஃப்எல்) தொடரில் ராஜஸ்தான் யுனைடெட் வெற்றி பெற்றது.

ராஜஸ்தான் மாநிலம் ஜெய்ப்பூா் வித்யாதா் மைதானத்தில் புதன்கிழமை நடைபெற்றது. இதில் ராஜஸ்தான் யுனைடெட்-சன்மாரி எஃப்சி அணிகள் மோதின.

இதில் சன்மாரி அணி தொடக்கம் முதலே தாக்குதல் ஆட்டத்தில் ஈடுபட்டனா். எனினும் ராஜஸ்தான் அணியின் தற்காப்பை அசைக்க முடியவில்லை. இரண்டாம் பாதியில் தான் கோல்போடும் வாய்ப்பு கிட்டியது. நவோபா மெய்டி 52-ஆவது நிமிஷத்திலும், அமடு சௌகனா 60-ஆவது நிமிஷத்திலும் கோலடித்தனா்.

சன்மாரி அணியால் கோலடிக்க முடியவில்லை. இறுதியில் 2-0 என வென்ற ராஜஸ்தான் 11 புள்ளிகளுடன் பட்டியலில் முதலிடத்துக்கு முன்னேறியது.

ஹைதராபாதில் நடைபெற்ற மற்றொரு ஆட்டத்தில் ஸ்ரீ நிதி டெக்கான் எஃப்சி=ஷில்லாங் லஜோங் எஃப்சி அணிகள் மோதிய ஆட்டம் கோலின்றி டிராவில் முடிந்தது.

இரு அணிகளின் கோல்கீப்பா்களும் அற்புதமாக கோல்வாய்ப்புகளை தகா்த்தனா்.