இந்தியாவுக்கு எதிரான டி20 தொடருக்கான இலங்கை அணி அறிவிப்பு!

இந்தியாவுக்கு எதிரான டி20 தொடருக்கான இலங்கை அணியை அந்நாட்டு கிரிக்கெட் வாரியம் இன்று (ஜூலை 23) அறிவித்துள்ளது.

இந்திய அணி இலங்கையில் சுற்றுப்பயணம் மேற்கொண்டு 3 டி20 மற்றும் 3 ஒருநாள் போட்டிகள் கொண்ட தொடர்களில் விளையாடுகிறது. இரு அணிகளுக்கும் இடையிலான டி20 தொடர் முதலில் தொடங்குகிறது. இரு அணிகளுக்கும் இடையிலான முதல் டி20 போட்டி ஜூலை 27 ஆம் தேதி தொடங்குகிறது.

இந்த நிலையில், இந்தியாவுக்கு எதிரான டி20 தொடருக்கான இலங்கை அணியை அந்நாட்டு கிரிக்கெட் வாரியம் இன்று (ஜூலை 23) அறிவித்துள்ளது.

டி20 தொடருக்கான இலங்கை அணியின் கேப்டனாக சரித் அசலங்கா நியமிக்கப்பட்டுள்ளார். முதல் டி20 போட்டி ஜூலை 27 ஆம் தேதி நடைபெறும் நிலையில், இரண்டாவது டி20 போட்டி ஜூலை 28 ஆம் தேதியும், மூன்றாவது டி20 போட்டி ஜூலை 30 ஆம் தேதியும் நடைபெறவுள்ளது.

இந்தியாவுக்கு எதிரான டி20 தொடருக்கான இலங்கை அணி விவரம்

சரித் அசலங்கா (கேப்டன்), பதும் நிசங்கா, குசல் பெரேரா, அவிஷ்கா ஃபெர்னாண்டோ, குசல் மெண்டிஸ், தினேஷ் சண்டிமால், கமிந்து மெண்டிஸ், தாசுன் ஷானகா, வனிந்து ஹசரங்கா, மஹீஷ் தீக்‌ஷனா, சமிந்து விக்கிரமசிங்க, மதீஷா பதிரானா, நுவான் துஷாரா, துனித் வெல்லாலகே, துஷ்மந்தா சமீரா மற்றும் பினுரா ஃபெர்னாண்டோ.