டெஸ்ட் போட்டிகளில் இந்திய அணியின் வேகப் பந்துவீச்சாளர் முகமது சிராஜ் 100 விக்கெட்டுகளைக் கைப்பற்றியுள்ளார்.
இந்தியா மற்றும் ஆஸ்திரேலிய அணிகளுக்கு இடையிலான பார்டர் - கவாஸ்கர் டெஸ்ட் தொடர் இன்றுடன் நிறைவடைந்தது. இந்த டெஸ்ட் தொடரை ஆஸ்திரேலிய அணி 3-1 என்ற கணக்கில் கைப்பற்றி அசத்தியது.
100 விக்கெட்டுகள்
சிட்னியில் நடைபெற்ற கடைசிப் போட்டியில் இரண்டாவது இன்னிங்ஸில் இந்திய அணியின் வேகப் பந்துவீச்சாளர் முகமது சிராஜ் ஒரு விக்கெட்டினைக் கைப்பற்றினார். ஆஸ்திரேலிய அணியின் தொடக்க ஆட்டக்காரர் உஸ்மான் கவாஜாவை அவர் ஆட்டமிழக்கச் செய்தார்.
இரண்டாவது இன்னிங்ஸில் ஒரு விக்கெட்டினைக் கைப்பற்றியதன் மூலம், முகமது சிராஜ் இந்திய அணிக்காக டெஸ்ட் போட்டிகளில் தனது 100-வது விக்கெட்டினைக் கைப்பற்றி அசத்தியுள்ளார்.
இதுவரை இந்திய அணிக்காக 36 டெஸ்ட் போட்டிகளில் விளையாடியுள்ள முகமது சிராஜ், 100 விக்கெட்டுகளைக் கைப்பற்றியுள்ளார். அதில் 3 ஐந்து விக்கெட்டுகள் அடங்கும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.