செய்தி மடல்
இ-பேப்பர்
/
இந்திய அணியின் விராட் கோலியை தில்லி கிரிக்கெட் சங்கம் கௌரவித்துள்ளது.
இந்திய அணியின் நட்சத்திர வீரர்களில் ஒருவரான விராட் கோலி தற்போது தில்லி அணிக்காக ரஞ்சி கோப்பை போட்டியில் விளையாடி வருகிறார். ரயில்வேஸ் அணிக்கு எதிரான போட்டியில் அவர் தில்லி அணிக்காக விளையாடி வருகிறார். இந்தப் போட்டியின் முதல் இன்னிங்ஸில் விராட் கோலி 6 ரன்கள் எடுத்து ஆட்டமிழந்தார். இரண்டாம் நாள் முடிவில் தில்லி அணி ரயில்வேஸ் அணியைக் காட்டிலும் 93 ரன்கள் முன்னிலை பெற்றது.
இதையும் படிக்க: சாம்பியன்ஸ் டிராபிக்கான பாகிஸ்தான் அணி அறிவிப்பு!
விராட் கோலிக்கு பாராட்டு
இந்திய அணிக்காக 100 டெஸ்ட் போட்டிகளில் விளையாடியுள்ளதை பாராட்டும் விதமாக விராட் கோலியை தில்லி கிரிக்கெட் சங்கம் கௌரவித்துள்ளது.
விராட் கோலி கடந்த 2022 ஆம் ஆண்டு இந்திய அணிக்காக 100-வது டெஸ்ட் போட்டியில் விளையாடினார். அதன் பின், அவர் 23 டெஸ்ட் போட்டிகளில் விளையாடியுள்ளார். இந்த நிலையில், தற்போது விராட் கோலியை தில்லி கிரிக்கெட் சங்கம் கௌரவித்துள்ளது முக்கியத்துவம் பெறுகிறது.
இது தொடர்பாக தில்லி கிரிக்கெட் சங்கம் சார்பில் தெரிவித்திருப்பதாவது: விராட் கோலியை கௌரவிக்கும் இந்த நிகழ்வு நீண்ட காலமாக கிடப்பில் இருந்தது. தற்போது, விராட் கோலி தில்லியில் இருப்பதால், அவரை கௌரவிக்க வேண்டுமென நினைத்தோம் எனத் தெரிவிக்கப்பட்டுள்ளது.
இதையும் படிக்க: சச்சின் டெண்டுல்கருக்கு பிசிசிஐ-ன் வாழ்நாள் சாதனையாளர் விருது!
ரஞ்சி கோப்பை தொடரில் ரயில்வேஸ் அணிக்கு எதிரான போட்டியின் இரண்டாம் நாள் ஆட்ட நேரம் முடிவடைந்த பிறகு, தில்லி கிரிக்கெட் சங்கத் தலைவர் ரோஹன் ஜெட்லி, விராட் கோலிக்கு நினைவுப் பரிவு மற்றும் பொன்னடையை வழங்கினார்.
விராட் கோலியை தவிர்த்து, தில்லியிலிருந்து இஷாந்த் சர்மா மற்றும் வீரேந்திர சேவாக் இருவரும் இந்திய அணிக்காக 100 டெஸ்ட் போட்டிகளில் விளையாடியுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
