செய்தி மடல்
இ-பேப்பர்
5 பந்துகளில் 5 விக்கெட்டுகள் வீழ்த்திய முதல் வீரர்; அயர்லாந்து வீரரின் அசத்தலான சாதனை!
ஐந்து பந்துகளில் 5 விக்கெட்டுகள் வீழ்த்திய முதல் வீரர் என்ற அசத்தலான சாதனையை அயர்லாந்து வீரர் கர்டிஸ் கேம்பர் படைத்துள்ளார்.
அயர்லாந்து வீரர் கர்டிஸ் கேம்பர் (கோப்புப் படம்)
ஐந்து பந்துகளில் 5 விக்கெட்டுகள் வீழ்த்திய முதல் வீரர் என்ற அசத்தலான சாதனையை அயர்லாந்து வீரர் கர்டிஸ் கேம்பர் படைத்துள்ளார்.
அயர்லாந்தில் மாகாணங்களுக்கு இடையேயான டி20 டிராபி கிரிக்கெட் தொடர் நடைபெற்று வருகிறது. அந்த தொடரில் நார்த் வெஸ்ட் வாரியர்ஸ் அணிக்கு எதிரான போட்டியில் முன்ஸ்டர் ரெட்ஸ் அணிக்காக விளையாடிய கர்டிஸ் கேம்பர், தொடர்ச்சியாக ஐந்து பந்துகளில் 5 விக்கெட்டுகளை கைப்பற்றி சாதனை படைத்துள்ளார்.
ஆடவர் கிரிக்கெட்டில் ஐந்து பந்துகளில் ஐந்து விக்கெட்டுகளை தொடர்ச்சியாக ஒருவர் கைப்பற்றுவது இதுவே முதல் முறையாகும். இதற்கு முன்னதாக, கடந்த ஆண்டு மகளிருக்கான உள்ளூர் டி20 கிரிக்கெட் தொடரில் ஈகிள்ஸ் வுமன் அணிக்கு எதிராக ஜிம்பாப்வே வீராங்கனை கெலிஸ் தொடர்ச்சியாக ஐந்து பந்துகளில் 5 விக்கெட்டுகளைக் கைப்பற்றியிருந்தார்.
நார்த் வெஸ்ட் வாரியர்ஸ் அணிக்கு எதிரான போட்டியில் கர்டிஸ் கேம்பர் இரண்டு ஓவர்களில் தொடர்ச்சியாக ஐந்து விக்கெட்டுகளை வீழ்த்தி இந்த அரிய சாதனையை படைத்தார். அவர் வீசிய 12-வது ஓவரின் ஐந்தாவது பந்தில் விக்கெட் கைப்பற்றினார். அதற்கு அடுத்த பந்திலும் விக்கெட்டினை கைப்பற்றினார்.
— Cricket Ireland (@cricketireland) July 10, 2025
அதன் பின், அவர் வீசிய அடுத்த ஓவரில் தொடர்ச்சியாக மூன்று விக்கெட்டுகளைக் கைப்பற்றினார். இதன் மூலம், இரண்டு ஓவர்களில் தொடர்ச்சியாக 5 பந்துகளில் 5 விக்கெட்டுகளைக் கைப்பற்றி அவர் சாதனை படைத்தார்.
Summary
The Irish player has set an incredible record by becoming the first player to take 5 wickets in five balls.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.