செய்தி மடல்
இ-பேப்பர்
/
வங்கதேசத்துக்கு எதிரான டெஸ்ட்டில் பாகிஸ்தான் முதல் இன்னிங்ஸில் 386 ரன்கள் சோ்த்து ஆட்டமிழந்தது.
கடந்த வெள்ளிக்கிழமை தொடங்கிய இந்த ஆட்டத்தில் பேட் செய்த வங்கதேசம், முதல் இன்னிங்ஸில் 413 ரன்கள் சோ்த்து நிறைவு செய்தது. அடுத்து தனது இன்னிங்ஸை தொடங்கிய பாகிஸ்தான், 2-ஆம் நாளான சனிக்கிழமை முடிவில் 1 விக்கெட் இழப்புக்கு 179 ரன்கள் சோ்த்தது.
3-ஆம் நாளான ஞாயிற்றுக்கிழமை, பாகிஸ்தான் இன்னிங்ஸை அஸான் அவைஸ், அப்துல்லா ஃபஸல் தொடா்ந்தனா். 2-ஆவது விக்கெட்டுக்கு 104 ரன்கள் சோ்த்து இவா்கள் கூட்டணி பிரிந்தது.
அஸான் அவைஸ் 14 பவுண்டரிகளுடன் 103 ரன்களுக்கு ஆட்டமிழக்க, கேப்டன் ஷான் மசூத் 9, சௌத் ஷகீல் 0 ரன்களுக்கு வெளியேறினா். அப்துல்லா ஃபஸல் 7 பவுண்டரிகள், 1 சிக்ஸருடன் 60 ரன்களுக்கு பெவிலியன் திரும்பினாா்.
6-ஆவது விக்கெட்டுக்கு இணைந்த சல்மான் அகா - முகமது ரிஸ்வான் கூட்டணி, 119 ரன்கள் சோ்த்தது. ரிஸ்வான் 8 பவுண்டரிகளுடன் 59, சல்மான் 6 பவுண்டரிகள், 1 சிக்ஸருடன் 58 ரன்களுக்கு வெளியேறினா். நோமன் அலி 2, ஷாஹீன் அஃப்ரிதி 13, ஹசன் அலி 6 ரன்களுக்கு விக்கெட்டை இழக்க, பாகிஸ்தான் இன்னிங்ஸ் 100.3 ஓவா்களில் 386 ரன்களுக்கு நிறைவடைந்தது.
வங்கதேச பௌலா்களில் மெஹிதி ஹசன் மிராஸ் 5 விக்கெட்டுகள் சாய்த்து அசத்த, தஸ்கின் அகமது, தைஜுல் இஸ்லாம் ஆகியோா் தலா 2, நஹித் ராணா 1 விக்கெட் வீழ்த்தினா்.
இதையடுத்து முதல் இன்னிங்ஸில் 27 ரன்கள் முன்னிலையுடன் 2-ஆவது இன்னிங்ஸை தொடங்கிய வங்கதேசம், ஞாயிற்றுக்கிழமை ஆட்டநேர முடிவில் விக்கெட் இழப்பின்றி 7 ரன்கள் சோ்த்து, 34 ரன்கள் முன்னிலையில் உள்ளது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
