யமால், ரபீனியா, ஃபெர்மின் அசத்தல்: அபார வெற்றியுடன் முதலிடத்தை தக்கவைத்த பார்சிலோனா!

ஸ்பெயினில் நடைபெறும் லா லிகா கால்பந்துத் தொடரில் நடப்பு சாம்பியனான பார்சிலோனா 6-1 என்ற கோல் கணக்கில் வென்று, அபார வெற்றியைப் பதிவு செய்துள்ளது.

இந்த வெற்றியுடன் புள்ளிப் பட்டியலில் தனது முதலிடத்தையும் தக்கவைத்துள்ளது. அத்லெடிகோ மாட்ரிட் 2 புள்ளிகள் வித்தியாசத்தில் இரண்டாமிடத்தில் வகிக்கிறது.

பார்சிலோனா அணி தனது சொந்த மண்ணில் அலாவெஸ் உடன் மோதியது. இதில் ரபீனியா (8’,41’), லமின் யமால் (45+1’, 64’) என தலா 2 கோல்கள் அடித்தார்கள்.

இவர்களுடன் சேர்ந்து ஃபெர்மின் லோபஸ் (23’), ஆண்டனி கோர்டன் (81’) தலா 1 கோல் அடித்து அசத்தினார்கள். அலாவெஸ் அணிக்கு 84ஆவது நிமிஷத்தில் ஆறுதல் கோல் அடிக்கப்பட்டது.

இந்தப் போட்டியில் 77 சதவிகித நேரம் பந்தை தனது கட்டுப்பாட்டுகள் வைத்திருந்த பார்சிலோனா 822 பாஸ்களை 91 சதவிகித துல்லியத்துடன் செய்து அசத்தினார்கள்.

இந்தப் போட்டியில் 2 அசிஸ்ட், ஒரு கோல் அடித்த ஃபெர்மின் லோபஸ் ஆட்ட நாயகன் விருது வென்றார். பார்சிலோனா முதலிடத்தை தக்கவைத்துள்ளது.

லா லிகா புள்ளிப் பட்டியல்

1. பார்சிலோனா - 30 புள்ளிகள்

2. அத்லெடிகோ மாட்ரிட் - 28 புள்ளிகள்

3. ரியல் மாட்ரிட் - 24 புள்ளிகள்

4. ரியல் பெட்டிஸ் - 23 புள்ளிகள்

5. ரியல் சொசைடாட்- 19 புள்ளிகள்

6. செவில்லா - 17 புள்ளிகள்