ஐபிஎல் 2021-ன் சிறந்த ஆல்ரவுண்டருக்கான போட்டியில் சிஎஸ்கே அணியின் ஜடேஜா முதலிடம் பிடித்துள்ளார்.
கொல்கத்தாவுக்கு எதிராக ஐபிஎல் 2021 போட்டியின் இறுதிச்சுற்றை இன்று விளையாடுகிறது சென்னை சூப்பர் கிங்ஸ் அணி. 12 ஐபிஎல் போட்டிகளில் விளையாடி 9 முறை ஐபிஎல் இறுதிச்சுற்றுக்கு முன்னேறியுள்ளது. 2010, 2011, 2018 ஆண்டுகளில் ஐபிஎல் கோப்பையை வென்றது.
2012, 2014 என இறுதிச்சுற்றுக்கு முன்னேறிய இருமுறையும் ஐபிஎல் கோப்பையை கேகேஆர் அணி வென்றுள்ளது. இருமுறையும் அந்த அணியின் கேப்டனாக இருந்தவர், கெளதம் கம்பீர். 2012-ல் சிஎஸ்கேவும் கொல்கத்தாவும் மோதியதில் கொல்கத்தா அணி கோப்பையைக் கைப்பற்றியது.
இந்நிலையில் இறுதிச்சுற்றுக்கு முன்பு வரை 227 ரன்களும் 11 விக்கெட்டுகளும் எடுத்து ஐபிஎல் 2021 போட்டியின் சிறந்த ஆல்ரவுண்டராகத் திகழ்கிறார் சிஎஸ்கே அணியின் ஜடேஜா.
ஐபிஎல் 2021: சிறந்த ஆல்ரவுண்டர்கள்
227 ரன்கள் + 11 விக்கெட்டுகள் - ஜடேஜா
320 ரன்கள் + 6 விக்கெட்டுகள் - மொயீன் அலி
245 ரன்கள் + 5 விக்கெட்டுகள் - பொலார்ட்
183 ரன்கள் + 11 விக்கெட்டுகள் - ரஸ்ஸல்