தோனியும்.. பாகுபலியும்..: வாசிம் ஜாஃபர் ட்வீட் வைரல்

சென்னை சூப்பர் கிங்ஸ் கேப்டன் பொறுப்பிலிருந்து மகேந்திர சிங் தோனி விலகியதை பாகுபலி கதாபாத்திரத்தோடு ஒப்பிட்டு முன்னாள் கிரிக்கெட் வீரர் வாசிம் ஜாஃபர் பதிவிட்டுள்ள விடியோ வைரலாகி வருகிறது.

2022 ஐபிஎல் முதல் ஆட்டத்தில் நடப்பு சாம்பியன் சென்னை சூப்பர் கிங்ஸ், கொல்கத்தா நைட் ரைடர்ஸை வரும் சனிக்கிழமை எதிர்கொள்கிறது. ஆட்டம் தொடங்குவதற்கு இரண்டு நாள்களுக்கு முன்பு கேப்டன் பொறுப்பிலிருந்து தோனி இன்று (வியாழக்கிழமை) விலகியுள்ளார்.

இதையும் படிக்க | சிஎஸ்கே கேப்டனாக தோனி நிகழ்த்திய சாதனைகள்

புதிய கேப்டனாக ரவீந்திர ஜடேஜா அணியை வழிநடத்தவுள்ளார். எனினும், ஒரு வீரராகவே அவர் அணியில் நீடிக்கவுள்ளதாக சென்னை சூப்பர் கிங்ஸ் நிர்வாகம் அறிவித்துள்ளது.

தோனி கேப்டன் பொறுப்பிலிருந்து விலகியதை, முன்னாள் கிரிக்கெட் வீரர் வாசிம் ஜாஃபர் பாகுபலி திரைப்படத்தில் அரசவையிலிருந்து வெளியேறும் பாகுபலி கதாபாத்திரத்தோடு ஒப்பிட்டு அதன் விடியோவை ட்விட்டர் பக்கத்தில் பதிவிட்டுள்ளார். இதையடுத்து, இந்த விடியோ அதிகளவில் பகிரப்பட்டு வைரலாகி வருகிறது.