ராஜஸ்தானுடன் மோதல்: சன்ரைசர்ஸ் பந்துவீச்சு தேர்வு

ராஜஸ்தான் ராயல்ஸுக்கு எதிரான ஆட்டத்தில் டாஸ் வென்ற சன்ரைசர்ஸ் ஹைதராபாத் அணி முதலில் பந்துவீச்சைத் தேர்வு செய்துள்ளது.

நடப்பு ஐபிஎல் சீசனின் இன்றைய (செவ்வாய்க்கிழமை) ஆட்டத்தில் சன்ரைசர்ஸ் ஹைதராபாத், ராஜஸ்தான் ராயல்ஸ் அணிகள் விளையாடுகின்றன. இந்த ஆட்டம் புணேவிலுள்ள மகாராஷ்டிர கிரிக்கெட் சங்க மைதானத்தில் நடைபெறுகிறது.

இதையும் படிக்க | சஞ்சு சாம்சன் 100: ராஜஸ்தான் ராயல்ஸின் அடையாளம்

இதில் டாஸ் வென்ற ஹைதராபாத் கேப்டன் கேன் வில்லியம்சன் முதலில் பந்துவீச்சைத் தேர்வு செய்தார். கேன் வில்லியம்சன் தவிர்த்து நிகோலஸ் பூரன், எய்டன் மார்கிரம், ரோமாரியோ ஷெபர்ட் ஆகியோர் ஹைதராபாத்தில் வெளிநாட்டு வீரர்களாகக் களமிறங்குகின்றனர்.

ராஜஸ்தானில் ஜாஸ் பட்லர், நாதன் கூல்டர்நைல், டிரென்ட் போல்ட், ஷிம்ரோன் ஹெத்மயர் ஆகியோர் வெளிநாட்டு வீரர்களாகக் களமிறங்குகின்றனர்.