டாஸ் வென்று தில்லி பந்துவீச்சு: தாக்குப் பிடிக்குமா லக்னௌ?

லக்னௌ சூப்பர் ஜெயண்ட்ஸுக்கு எதிரான போட்டியில் டாஸ் வென்ற தில்லி கேபிடல்ஸ் அணி பந்துவீச்சைத் தேர்வு செய்துள்ளது.

நடப்பு ஐபிஎல் தொடர் லீக் சுற்றின் 40-வது போட்டியில் தில்லி மற்றும் லக்னௌ அணிகள் விளையாடுகின்றன. உத்தரப் பிரதேச மாநிலம் லக்னௌவின் எக்கானா திடலில் நடைபெறும் இந்தப் போட்டியில் டாஸ் வென்ற தில்லி கேப்டன் அக்‌ஷர் பட்டேல் முதலில் பந்துவீசுவதாக அறிவித்தார்.

தில்லி அணியின் முன்னாள் கேப்டன் ரிஷப் பந்த் லக்னௌ அணியிலும், லக்னௌவின் முன்னாள் கேப்டன் கே.எல். ராகுல் தில்லி அணியிலும் விளையாடுவதால் இந்தப் போட்டி மேலும் சுவாரசியமாக இருக்கும் என்று எதிர்பார்க்கப்படுகிறது. லக்னௌ அணியில் எந்த மாற்றமும் இல்லை. அதேவேளையில் தில்லி அணியில் இலங்கை வீரர் துஷ்மந்த சமீரா சேர்க்கப்பட்டுள்ளார்.

இரு அணியிலும் பலம் வாய்ந்த அதிரடி ஆட்டக்காரர்களும், வேகப்பந்துவீச்சாளர்களும் இருப்பதால் இந்தப் போட்டியில் அதிரடிக்கு பஞ்சமிருக்காது என்று எதிர்பார்க்கப்படுகிறது. மேலும், நல்ல ரன் ரேட்டில் வெற்றிபெறும் அணி புள்ளிப் பட்டியலில் முதலிடம் பிடிக்கும் வாய்ப்பும் உள்ளது.

லக்னௌ அணியில் மார்க்ரம், பூரன், மார்ஷ், பந்த் உள்ளிட்ட அதிரடி ஆட்டக்காரர்கள் ஒருபுறமிருக்க, தில்லி அணியிலும் கே.எல்.ராகுல், அஷுதோஷ் சர்மா, கருண் நாயர் உள்ளிட்டோரும் உள்ளனர்.

லக்னோ சூப்பர் ஜெயண்ட்ஸ் 

எய்டன் மார்க்ரம், மிட்செல் மார்ஷ், நிக்கோலஸ் பூரன், ரிஷப் பந்த், அப்துல் சமத், டேவிட் மில்லர், ஷர்துல் தாக்கூர், திக்வேஷ் சிங் ரதி, ரவி பிஷ்னோய், அவேஷ் கான், பிரின்ஸ் யாதவ்

தில்லி கேபிடல்ஸ் 

அபிஷேக் போரல், கருண் நாயர், கே.எல். ராகுல், அக்‌ஷர் படேல், டிரிஸ்டன் ஸ்டப்ஸ், அசுதோஷ் சர்மா, விப்ராஜ் நிகம், மிட்செல் ஸ்டார்க், குல்தீப் யாதவ், துஷ்மந்த சமீரா, முகேஷ் குமார்.

இதையும் படிக்க: சாய் சுதர்சனுக்கு முன்னாள் சிஎஸ்கே வீரர் பாராட்டு!