சுடச்சுட

    

    சன்ரைஸர்ஸ் சிறப்பான சம்பவத்தில் 'அதளபாதாள' தோல்வியடைந்த ஆர்சிபி

    By Raghavendran  |   Published on : 31st March 2019 07:32 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    warner,_bairstow

     

    சன்ரைஸர்ஸ் ஹைதராபாத்துக்கு எதிரான ஆட்டத்தில் ராயல்சேலஞ்சர்ஸ் பெங்களூரு அணி படுதோல்வியடைந்தது.

    2019-ஆம் ஆண்டு 12-ஆவது சீசன் ஐபிஎல் போட்டித் தொடரின் 11-ஆவது லீக் ஆட்டம் ஹைதராபாத்தில் ஞாயிற்றுக்கிழமை நடந்தது. இதில் சன்ரைஸர்ஸ் ஹைதராபாத் அணியும், ராயல் சேலஞ்சர்ஸ் பெங்களூரு அணியும் மோதின. டாஸ் வென்ற ஆர்சிபி கேப்டன் விராட் கோலி பந்துவீச்சை தேர்வு செய்தார்.

    இதையடுத்து களமிறங்கிய சன்ரைஸர்ஸ் அணியின் துவக்க வீரர்கள் டேவிட் வார்னர் மற்றும் ஜானி பேர்ஸ்டோ சதம் விளாசினார்கள். டேவிட் வார்னர் 55 பந்துகளில் 5 சிக்ஸர்கள், 5 பவுண்டரிகளுடன் 100* ரன்கள் குவித்தார். ஜானி பேர்ஸ்டோ 56 பந்துகளில் 7 சிக்ஸர்கள், 12 பவுண்டரிகளுடன் 114 ரன்கள் குவித்தார்.

    இதனால் அந்த அணி 20 ஓவர்களின் முடிவில் 2 விக்கெட் இழப்புக்கு 231 ரன்கள் குவித்தது. பின்னர் களமிறங்கிய ராயல் சேலஞ்சர்ஸ் பெங்களூரு அணி சன்ரைஸர்ஸ் பந்துவீச்சை தாக்குபிடிக்க முடியாமல் அடுத்தடுத்து விக்கெட்டுகளை இழந்து தடுமாறியது.

    அதிகபட்சமாக காலின் டி கிராண்ட்ஹோமி 37 ரன்கள் சேர்த்தார். இதர வீரர்கள் சொற்ப ரன்களுடன் பெவிலியன் திரும்ப, ஆர்சிபி அணி 19.5 ஓவர்களில் 113 ரன்களுக்கு அனைத்து விக்கெட்டுகளையும் இழந்து 118 ரன்கள் வித்தியாசத்தில் படுதோல்வியடைந்தது.

    சன்ரைஸர்ஸின் முகமது நபி 4 விக்கெட்டுகளையும், சந்தீப் ஷர்மா 3 விக்கெட்டுகளையும் வீழ்த்தினர்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai