ஒலிம்பிக்ஸ் 4*400 தொடர் ஓட்டத்தில் ஆசிய சாதனை நிகழ்த்திய இந்திய வீரர்கள்: விடியோ

டோக்கியோ ஒலிம்பிக்ஸில் 4*400 தொடர் ஓட்டத்தில் இந்திய அணி தகுதிச்சுற்றில் 9-வது இடம் பிடித்து இறுதிச்சுற்று வாய்ப்பை இழந்தது. 

இன்று நடைபெற்ற 4*400 தொடர் ஓட்டத்தில் இந்தியா சார்பாக முகமது அனாஸ், நிர்மல், தமிழகத்தைச் சேர்ந்த ஆரோக்கிய ராஜீவ், அமோஜ் ஜேகப் பங்கேற்றார்கள். தகுதிச்சுற்றில் தங்களது பிரிவில் இந்திய அணி 3:00:25 நிமிடங்களில் தூரத்தைக் கடந்து 4-ம் இடம் பிடித்தது. ஆசிய அளவில் குறைந்த நேரத்தில் தூரத்தைக் கடந்து இந்திய வீரர்கள் அசத்தினார்கள். எனினும் தகுதிச்சுற்றின் முடிவில் இந்திய அணிக்கு 9-வது இடம் கிடைத்ததால் தோல்வியடைய நேர்ந்தது. முதல் 8 இடங்களைப் பிடித்த நாடுகள் இறுதிச்சுற்றுக்குத் தகுதி பெற்றன. இதனால் இந்திய அணிக்கு நூலிழையில் இறுதிச்சுற்று வாய்ப்பு பறிபோனது. 

இதையும் படிக்க | உசைன் போல்ட்: மூன்று ஒலிம்பிக் போட்டிகளில் பங்கேற்ற ஓட்டப்பந்தயங்களின் விடியோ

இந்திய அணி வீரர்கள் தூரத்தைக் கடந்ததன் விவரம்

அனாஸ் -  45.6 நொடிகள்
நிர்மல் - 45.0 நொடிகள்
ஆரோக்கிய ராஜீவ் - 44.84 நொடிகள்
அமோஜ் ஜேகப் - 44.68 நொடிகள்