டி20 உலகக் கோப்பை கிரிக்கெட் போட்டி ரத்து

அடுத்த ஆண்டு நடைபெறுவதாக இருந்த 7-ஆவது டி20 உலகக் கோப்பை கிரிக்கெட் போட்டி ரத்து செய்யப்பட்டுள்ளது. மீண்டும் 2020-ஆம் ஆண்டு டி20 உலகக் கோப்பை போட்டி நடைபெறும் என ஐசிசி வட்டாரங்கள் தெரிவித்துள்ளன.
இது தொடர்பாக ஐசிசியைச் சேர்ந்த முக்கிய நிர்வாகி ஒருவர் கூறுகையில், '2018-இல் நடைபெறவிருந்த டி20 உலகக் கோப்பை போட்டி ரத்து செய்யப்பட்டுள்ளது. அடுத்த ஆண்டு பெரும்பாலான அணிகள் அதிக அளவில் இரு தரப்பு கிரிக்கெட் தொடர்களில் விளையாடவுள்ளன. அதனால் டி20 உலகக் கோப்பை போட்டியை நடத்துவதற்கான வாய்ப்பில்லை. 2020-இல் மீண்டும் டி20 உலகக் கோப்பை போட்டி நடைபெறும். அது தென் ஆப்பிரிக்கா அல்லது ஆஸ்திரேலியாவில் நடைபெறலாம்' என்றார்.