பிளே ஆப் வாய்ப்பை தக்கவைக்குமா டெல்லி? குஜராத்துடன் இன்று மோதல்

தில்லியில் வியாழக்கிழமை நடைபெறும் ஐபில் கிரிக்கெட் தொடரின் 42-ஆவது லீக் ஆட்டத்தில் டெல்லி டேர்டெவில்ஸும், குஜராத் லயன்ஸும் மோதுகின்றன.
இதுவரை 9 ஆட்டங்களில் விளையாடி 3 வெற்றிகளுடன் 6 புள்ளிகளைப் பெற்றுள்ள டெல்லி அணி, இந்த ஆட்டத்தில் வென்றால் மட்டுமே பிளே ஆப் வாய்ப்பை தக்கவைக்க முடியும் என்ற நிலையில் குஜராத்தை சந்திக்கிறது. தொடர்ச்சியாக 5 தோல்விகளை சந்தித்திருந்த டெல்லி அணி, கடந்த ஆட்டத்தில் ஹைதராபாதை வீழ்த்தியதன் மூலம் நம்பிக்கை பெற்றுள்ளது. ஆனால் குஜராத் அணியோ ஏற்கெனவே பிளே ஆப் வாய்ப்பை இழந்துவிட்டதால், இழப்பதற்கு எதுவும் இல்லை என்ற நிலையில் களமிறங்குகிறது.
இதுவரை...: இவ்விரு அணிகளும் இதுவரை இரு ஆட்டங்களில் நேருக்கு நேர் மோதியுள்ளன. அதில் இரு அணிகளும் தலா ஒரு வெற்றியைப் பெற்றுள்ளன.
போட்டி நேரம்: இரவு 8
நேரடி ஒளிபரப்பு:
சோனி மேக்ஸ், சோனி சிக்ஸ்