ஏற்கெனவே பெண் செய்தியாளரிடம் தவறாக நடந்துகொண்ட கெயில் அதற்குண்டான விளைவுகளை நன்கு அனுபவித்தார். அதேபோன்ற பெண் செய்தியாளரிடம் அநாகரிகமாக நடந்துகொண்ட டென்னிஸ் வீரர் மீது நடவடிக்கை எடுத்துள்ளது பிரெஞ்சு ஓபன் நிர்வாகம்.
பிரான்சு நாட்டைச் சேர்ந்த 21 வயது டென்னிஸ் வீரரான மேக்ஸிம் ஹாமுவை யூரோஸ்போர்ட் பெண் செய்தியாளர் மலி தாமஸ் பேட்டி கண்டார். பேட்டியளித்துக்கொண்டிருக்கும்போது திடீரென மலியை முத்தமிட முயன்றார் மேக்ஸிம். இதற்குப் மலி மறுப்பு தெரிவிக்கும் விதத்தில் அவரிமிருந்து ஒதுங்க முயன்றபோதும் மீண்டும் காதின் அருகே முத்தமிட்டார் மேக்ஸிம். இதுபோல மூன்று முறை அவர் மலியின் விருப்பத்துக்கு மாறாக முத்தமிட்டார். நேரலை நிகழ்ச்சி என்பதால் இப்படி நடந்துகொண்டபிறகும் மேக்ஸிமைத் தொடர்ந்து பேட்டி கண்டார் மலி.
இதன் வீடியோ சமூகவலைத்தளத்தில் வெளியானதையடுத்து மேக்ஸிமின் நடத்தைக்குக் கடும் கண்டனங்கள் எழுந்துள்ளன. இது சங்கடத்தை ஏற்படுத்திய செயல். நேரலையில் இல்லாமல் மட்டும் இருந்திருந்தால் மேக்ஸிமை நான் தாக்கியிருப்பேன் என மலி தாமஸ் பேட்டியளித்துள்ளார்.
இதையடுத்து, பெண் செய்தியாளரிடம் அநாகரிகமாக நடந்துகொண்டதைக் கண்டிக்கும் விதமாக பிரெஞ்சு ஓபன் நிர்வாகம் மேக்ஸிமுக்கு இடைக்காலத் தடை விதித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.