கேப்டன் கோலியின் சாதனைகள்: வெற்றி மீது வெற்றி வந்து உன்னைச் சேரும்!

ஆஸ்திரேலியாவுக்கு எதிரான 2-வது ஒரு நாள் கிரிக்கெட் ஆட்டத்தில் 50 ரன்கள் வித்தியாசத்தில் வெற்றி கண்டது இந்தியா. இதன்மூலம் ஒரு நாள் கிரிக்கெட் போட்டியில் தொடர்ந்து 8-வது வெற்றியைப் பெற்றுள்ளது. இந்திய கேப்டன் விராட் கோலி 107 பந்துகளில் 92 ரன்கள் குவித்தார். வேகப்பந்து வீச்சாளர் புவனேஸ்வர் குமார் 6.1 ஓவர்களில் 9 ரன்களை மட்டுமே கொடுத்து 3 விக்கெட்டுகளையும், சுழற்பந்து வீச்சாளர் குல்தீப் யாதவ் ஹாட்ரிக் விக்கெட்டுகளையும் சாய்த்தனர்.

33-வது ஓவரை வீசிய குல்தீப் யாதவ், 2-ஆவது பந்தில் மேத்யூ வேட் (2), 3-ஆவது பந்தில் ஆஷ்டன் அகர் (0), 4-ஆவது பந்தில் பேட் கம்மின்ஸ் (0) ஆகியோரை வீழ்த்தி ஹாட்ரிக் சாதனை படைத்தார்.

இந்த வெற்றியின் மூலம் தொடர்ச்சியாக 8 ஒருநாள் போட்டிகளில் வெற்றி கண்டுள்ளார் கோலி. இதையடுத்து அவர் நிகழ்த்திய சாதனைகள்:

8+ தொடர்ச்சியான வெற்றிகளைக் கண்ட இந்திய கேப்டன்கள்

கோலி - 3 முறை (2013-14; 2014-17; 2017*)
கங்குலி, தோனி, டிராவிட் - 1 முறை.

* ரிக்கி பாண்டிங் 8 ஒருநாள் போட்டிகளில் தொடர்ச்சியான வெற்றிகளை நான்கு முறை நிகழ்த்தியுள்ளார். கோலி மூன்று முறை நிகழ்த்தியுள்ளார்.

37 ஒருநாள் போட்டிகளுக்குப் பிறகு அதிக வெற்றி கண்ட கேப்டன்கள் 

30 -  ரிக்கி பாண்டிங் 
29 - கிளைவ் லாயிட்/ரிச்சர்ட்ஸ்/கோலி 
28 - மைக்கேல் கிளார்க்