சான் ஜோஸ் டென்னிஸ் காயத்தால் வெளியேறினார் முகுருஸா

சான்ஜோஸ் டென்னிஸ் போட்டியில் இருந்து காயம் காரணமாக வெளியேறினார் முதல்நிலை வீராங்கனை முகுருஸா.
லாஸ்ஏஞ்சலீஸ் நகரில் சான்ஜோஸ் ஏடிபி டென்னிஸ் போட்டிகள் நடந்து வருகின்றன. 
உலகின் முன்னாள் முதல்நிலை வீராங்கனையான ஸ்பெயினின் கார்பைன் முகுருஸா, விம்பிள்டன் இரண்டாம் சுற்றில் வெளியேறிய நிலையில் சான்ஜோஸ் போட்டியின் மூலம் மீண்டும் தனது திறமையை நிரூபிக்க முனைந்தார். ஆனால் வலது கையில் ஏற்பட்ட காயம் காரணமாக அவர் போட்டியில் இருந்து வெளியேறி விட்டார். இன்னும் சில வாரங்களில் யுஎஸ் ஓபன் போட்டி தொடங்க உள்ள நிலையில் இது முகுருஸாவுக்கு பின்னடைவை ஏற்படுத்தி உள்ளது. 
அவருக்கு பதிலாக ரஷியாவின் அன்னா பிளின்கோவா இடம் பெறுகிறார்.
23 முறை கிராண்ட்ஸ்லாம் சாம்பியன் செரீனா வில்லியம்ஸ் முதல் சுற்றில் அதிர்ச்சி தோல்வியடைந்து வெளியேறியது குறிப்பிடத்தக்கது. விக்டோரியே அஸரென்கா இரண்டாம் சுற்றுக்கு முன்னேறி உள்ளார்.