உலக யூத் குத்துச்சண்டை:  2-வது முறையாக தங்கம் வென்றார் நிது

புடாபெஸ்ட்: உலக யூத் குத்துச்சண்டை சாம்பியன் போட்டியில் 2 ஆவது முறையா தங்கம் வென்று சாதனை படைத்தார் இந்தியாவின் நிது.
ஹரியாணாவைச் சேர்ந்த நடப்பு சாம்பியன் நிது 48 கிலோ எடைப்பிரிவு இறுதிச் சுற்றில் தாய்லாந்தின் நில்லாடா மீக்கூனை வீழ்த்தி தங்கம் வென்றார். கடந்த ஆண்டு குவஹாட்டியில் நடந்த உலக யூத் குத்துச்சண்டை போட்டியிலும் நிது தங்கம் வென்றிருந்தார்.
வெள்ளிக்கிழமை நடைபெறும் இறுதி ஆட்டங்களில் மணிஷா (64 கிலோ), அனாமிகா (51 கிலோ), சாக்ஷி (57 கிலோ) ஆகியோர் மோதுகின்றனர். இந்திய மகளிர் அணி முந்தைய போட்டியில் 7 பதக்கங்களை வென்றிருந்தது.