புஜாரா சதமும் ஆஸி.யின் அசத்தல் பந்துவீச்சும்: முதல் நாள் ஹைலைட்ஸ்!

ஆஸ்திரேலியாவுக்கு எதிரான முதல் டெஸ்டில் சதமடித்து இந்திய அணியைப் பெரிய ஆபத்திலிருந்து காப்பாற்றியுள்ளார் புஜாரா.

இந்தியா-ஆஸ்திரேலியா அணிகளுக்கு இடையேயான 4 ஆட்டங்களைக் கொண்ட டெஸ்ட் தொடர் அடிலெய்டில் இன்று தொடங்கியுள்ளது. டாஸ் வென்ற இந்திய கேப்டன் விராட் கோலி பேட்டிங்கைத் தேர்வு செய்தார். இந்திய அணியில் ரோஹித் சர்மா இடம்பெற்றுள்ளார்.

முதல் நாளின் முடிவில் இந்திய அணி, 87.5 ஓவர்களில் 9 விக்கெட் இழப்புக்கு 250 ரன்கள் எடுத்துள்ளது. ஷமி 6 ரன்களுடன் களத்தில் உள்ளார். 153 பந்துகளில் அரை சதத்தை எட்டிய புஜாரா, பிறகு 231 பந்துகளில் சதத்தைப் பூர்த்தி செய்தார். ஆஸ்திரேலிய மண்ணில் அவர் எடுத்துள்ள முதல் சதம் இது. 16-வது டெஸ்ட் சதம்.

ஆஸ்திரேலிய அணியின் பிரதான பந்துவீச்சாளர்களான ஸ்டார்க், ஹேஸில்வுட், கம்மின்ஸ், லயன் ஆகிய நால்வரும் தலா 2 விக்கெட்டுகளை எடுத்துள்ளார்கள்.