இந்தியாவுக்கு எதிராக இரு அரிய சாதனைகள் படைத்த நாதன் லயன்

இந்தியா, ஆஸ்திரேலியா இடையிலான 2-ஆவது டெஸ்ட் போட்டி பெர்த் மைதானத்தில் வெள்ளிக்கிழமை தொடங்கி நடைபெற்று வருகிறது. இதில் இந்திய அணி தனது முதல் இன்னிங்ஸில் 283 ரன்களுக்கு ஆட்டமிழந்தது.

ஆஸ்திரேலிய தரப்பில் சிறப்பாக பந்துவீசிய நாதன் லயன் 5 விக்கெட்டுகளைக் கைப்பற்றினார். மேலும் இந்த தொடரில் தற்போது வரை அவர் 13 விக்கெட்டுகளை வீழ்த்தியுள்ளார்.

இதில் முதல் டெஸ்ட் போட்டியில் ஒரு இன்னிங்ஸில் 6 விக்கெட்டுகள் வீழ்த்தியது குறிப்பிடத்தக்கது. இதன்மூலம் இந்தியாவுக்கு எதிராக இரு அரிய சாதனைகளையும் படைத்தார். அதன் விவரம் பின்வருமாறு:

டெஸ்ட் போட்டிகளில் இந்தியாவுக்கு எதிராக அதிக விக்கெட்டுகள் வீழ்த்திய பந்துவீச்சாளர்கள்:

• ஜேம்ஸ் ஆண்டர்சன் - 110 விக்கெட்டுகள்
• முத்தையா முரளிதரன் - 105 விக்கெட்டுகள்
• இம்ரான் கான் - 94 விக்கெட்டுகள்
• நாதன் லயன் - 77 விக்கெட்டுகள்
• மால்கம் மார்ஷல் - 76 விக்கெட்டுகள்
• ஸ்டூவர்ட் பிராட் - 70 விக்கெட்டுகள்

டெஸ்ட் போட்டிகளில் இந்தியாவுக்கு எதிராக அதிகமுறை 5 விக்கெட்டுகளுக்கு மேல் வீழ்த்தியவர்கள்:

• முத்தையா முரளிதரன், நாதன் லயன் - 7 முறை
• இம்ரான் கான், இயன் போத்தம், மால்கம் மார்ஷல் - 6 முறை
• ரிச்சி பெனாட், டேல் ஸ்டெயின் - 5 முறை