மகளிர் டி20: இந்தியா பேட்டிங்!

மகளிர் கிரிக்கெட்டில் இந்தியா-தென் ஆப்பிரிக்கா இடையேயான 5-ஆவது டி20 ஆட்டம் கேப் டவுனில் இன்று தொடங்கியது.

டாஸ் வென்ற தென் ஆப்பிரிக்க அணி பந்துவீச்சைத் தேர்வு செய்துள்ளது.

தென் ஆப்பிரிக்க-இந்திய மகளிர் அணிகளுக்கு இடையே புதன்கிழமை நடைபெற்ற 4-ஆவது டி20 ஆட்டம் மழை காரணமாக கைவிடப்பட்டது. மித்தாலி ராஜ் தலைமையிலான இந்திய அணி தென் ஆப்பிரிக்காவில் சுற்றுப் பயணம் மேற்கொண்டுள்ளது. அந்நாட்டு அணிக்கு எதிராக 2-1 என்ற கணக்கில் 3 ஒரு நாள் ஆட்டங்கள் கொண்ட தொடரை இந்திய அணி வென்றது. அதைத் தொடர்ந்து, 5 டி20 ஆட்டங்கள் கொண்ட தொடரில் தற்போது இந்தியாவும், தென் ஆப்பிரிக்காவும் விளையாடி வருகின்றன. கடந்த 13 மற்றும் 16 ஆகிய தேதிகளில் நடைபெற்ற முதல் இரண்டு டி20 ஆட்டங்களில் இந்திய அணி வெற்றி பெற்றது. கடந்த ஞாயிற்றுக்கிழமை நடைபெற்ற 3-ஆவது ஆட்டத்தில் தென் ஆப்பிரிக்கா வெற்றி பெற்றது. டி20 கேப்டனான ஹர்மன்பிரீத் கௌர் தலைமையிலான இந்திய அணி கடைசி ஆட்டத்தில் வெல்லும் பட்சத்தில் இத்தொடரைக் கைப்பற்ற முடியும்.