தாய்லாந்து ஓபன் டேபிள் டென்னிஸ்: இந்தியாவுக்கு வெள்ளி

தாய்லாந்து ஓபன் டேபிள் டென்னிஸ் போட்டி இரட்டையர் பிரிவில் இந்தியா வெள்ளிப் பதக்கம் வென்றது.
பாங்காக்கில் நடைபெற்று வரும் இப்போட்டியின் இரட்டையர் பிரிவில் சத்யன்-சனில் ஷெட்டி இணை துவக்கத்தில் 3-1 என ஜப்பானையும், 3-0 என மலேசியாவையும், வென்று அரையிறுதிக்கு தகுதி பெற்றனர். அதில் மற்றொரு இந்திய இணையான ஹர்மீத் தேசாய்-மானவ் தாக்கரை எதிர் கொண்டு 3-2 என்ற செட் கணக்கில் வென்று இறுதிக்கு முன்னேறினர்.
அதில் ஜெர்மனியின் டோபியாஸ் ஹிப்ளர்-கில்லான் ஓர்ட் இணையிடம் 11-9, 12-14, 9-11, 7-11 என்ற செட் கணக்கில் தோல்வியடைந்து சத்யன்-சனில் ஷெட்டி இணை வெள்ளிப் பதக்கம் வென்றது.