தமிழக அமைச்சரவையில் காங்கிரஸ்: மகிழ்ச்சி அளிக்கிறது - ப.சிதம்பரம்அமைச்சரவையில் எந்தத் துறை அளித்தாலும் மகிழ்ச்சி: கிரிஷ் சோடங்கர்தமிழக அமைச்சரவையில் காங்கிரஸ்: அரசியல் நிகழ்வு அல்ல, உணர்வு! - மாணிக்கம் தாகூர்நீர்நிலைகளில் வண்டல் மண் எடுத்துச்செல்ல விவசாயிகளுக்கு அனுமதி!தவெக அமைச்சரவையில் காங்கிரஸின் ராஜேஷ் குமார், விஸ்வநாதனுக்கு அமைச்சர் பதவி! டிஜிபி வெங்கடராமன் உள்பட 15 ஐபிஎஸ் அதிகாரிகள் மாற்றம்!கேரளத்தில் சில்வர் லைன் அதிவேக ரயில் வழித்தட திட்டம் ரத்து தமிழகத்தின் 11 இடங்களில் 100 டிகிரி ஃபாரன்ஹீட்டை தாண்டி வெப்பநிலை பதிவு!
/

புரோ கபடி லீக்: புணேரி பல்தான் அணி அபார வெற்றி

புரோ கபடி லீக் சீசன் 6-ஆவது போட்டியின் ஒரு பகுதியாக திங்கள்கிழமை இரவு நடைபெற்ற ஆட்டத்தில் புணேரி பல்தான்

News image
Updated On :9 அக்டோபர் 2018, 1:02 am IST


புரோ கபடி லீக் சீசன் 6-ஆவது போட்டியின் ஒரு பகுதியாக திங்கள்கிழமை இரவு நடைபெற்ற ஆட்டத்தில் புணேரி பல்தான் 34-22 என்ற புள்ளிக்கணக்கில் ஹரியாணா ஸ்டீலர்ஸ் அணியை வீழ்த்தியது.
இரு அணிகள் இடையிலான ஆட்டம் சென்னை நேரு உள்விளையாட்டரங்கில் நடைபெற்றது. பிகேஎல் போட்டிகளின் முதல் கட்ட ஆட்டங்கள் சென்னையில் வரும் 11-ஆம் தேதி வரை நடக்கின்றன. இதில் 12 அணிகள் களத்தில் உள்ளன. திங்கள்கிழமை இரவு முதல் ஆட்டத்தில் புணேரி பல்தான் தொடக்கம் முதலே ஆதிக்கம் செலுத்தியது. ஞாயிற்றுக்கிழமை இரவு யு மும்பா அணியுடன் நடைபெற்ற ஆட்டத்தில் சிறப்பாக விளையாடி 32-32 என டிரா செய்தது புணே. 
அந்த உற்சாகத்தில் அதன் நட்சத்திர வீரர்கள் சந்தீப் நர்வால், நிதின் தோமர் ஆகியோர் ஹரியாணா தரப்பில் அடிக்கடி ஊடுருவி சிக்கலை உண்டாக்கினர்.
ஹரியாணா அணியில் மோனு கோயட், சுரேந்தர் நடா ஆகியோர் தங்கள் அணியின் வெற்றிக்காக பாடுபட்டனர். ஆட்டம் தொடங்கவுடனே புணே அணி 5-4 என முன்னிலை பெற்றது. நிதின் தோமரை ஹரியாணா வீரர்கள் மடக்கியதால் அவரால் புள்ளிகளை குவிக்க முடியாத நிலை ஏற்பட்டது.
முதல் பாதி ஆட்ட நிறைவில் 15-9 என்ற புள்ளிக்கணக்கில் புணே முன்னிலை பெற்றது. இரண்டாம் பாதி ஆட்டம் துவங்கியதும் புணே வீரர் தோமர் காயமுற்றார். எனினும் அவர் தொடர்ந்து சிறப்பான ஆட்டத்தை வெளிப்படுத்தியதால் புணே அணி முன்னிலையை தொடர்ந்து தக்க வைத்த நிலையில் இரண்டாவது முறையாக ஹரியாணா ஆல் அவுட்டானது. 
இறுதியில் 34-22 என்ற புள்ளிக்கணக்கில் புணே அணி அபார வெற்றி பெற்றது. நிதின் தோமர் 7 புள்ளிகளை குவித்தார். ஹரியாணா கேப்டன் சுரேந்தர் நடா காயமுற்று வெளியேறியது அந்த அணிக்கு பின்னடைவாக அமைந்தது. சிறந்த ரைடராகவும், ஆட்ட நாயகனாகவும் நிதின் தோமர் (புணே), டிபன்டராக ரவிக்குமார் (புணே), தேர்வு செய்யப்பட்டனர்.
இரண்டாவது ஆட்டத்தில் தமிழ்த் தலைவாஸ்-யுபி யோத்தாஸ் அணிகள் மோதின.

இன்றைய ஆட்டங்கள்
தபாங் தில்லி-குஜராத் 
இரவு 8.00.
தமிழ்த் தலைவாஸ்-தெலுகு டைட்டன்ஸ் 
இரவு 9.00.

நேரு உள்விளையாட்டரங்கம்.சென்னை.
 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.