இலங்கை டி20 & ஆஸ்திரேலியா ஒருநாள் தொடர்கள்: இந்திய அணியில் பும்ரா & தவன்!

இலங்கைக்கு எதிரான டி20 மற்றும் ஆஸ்திரேலியாவுக்கு எதிரான ஒருநாள் ஆகிய இரு தொடர்களுக்கான இந்திய அணியில் வேகப்பந்துவீச்சாளர் பும்ரா, தொடக்க வீரர் ஷிகர் தவன் ஆகியோர் இடம்பெற்றுள்ளார்கள்.

இரு தொடர்களுக்கான இந்திய அணி இன்று அறிவிக்கப்பட்டது. 2019-ம் ஆண்டு மிகச்சிறப்பாக விளையாடியுள்ள ரோஹித் சர்மா மற்றும் வேகப்பந்துவீச்சாளர் ஷமி ஆகியோருக்கு டி20 தொடரிலிருந்து ஓய்வு அளிக்கப்பட்டுள்ளது. பதிலாக பும்ரா, தவன் ஆகியோர் இந்திய அணியில் மீண்டும் இடம்பிடித்துள்ளார்கள்.

இலங்கைக்கு எதிரான டி20 தொடர் ஜனவரி 5 முதல் தொடங்கவுள்ளது. இதன்பிறகு ஆஸ்திரேலியாவுக்கு எதிரான ஒருநாள் தொடர் ஜனவரி 14 அன்று தொடங்கவுள்ளது.