டெஸ்ட் தொடர்: பிரபல வீரரை நீக்கியது இங்கிலாந்து அணி!

நியூஸிலாந்துச் சுற்றுப்பயணத்தில் விளையாடவுள்ள டெஸ்ட் தொடரிலிருந்து பிரபல வீரர் ஜானி பேர்ஸ்டோவை நீக்கியுள்ளது இங்கிலாந்து அணி.

அக்டோபர் - நவம்பர் மாதங்களில் நியூஸிலாந்துக்குச் சுற்றுப்பயணம் செய்கிறது இங்கிலாந்து அணி. 5 டி20 மற்றும் 2 டெஸ்டுகளில் விளையாடுகிறது. இதற்கான இங்கிலாந்து அணி அறிவிக்கப்பட்டுள்ளது.

டெஸ்ட் தொடருக்கான அணியில் பிரபல வீரர் ஜானி பேர்ஸ்டோவ் நீக்கப்பட்டுள்ளார். 2018 முதல் 25.91 பேட்டிங் சராசரி மட்டுமே அவர் வைத்துள்ளார். சமீபத்தில் விளையாடிய ஆறு டெஸ்டுகளில் ஒரு அரை சதம் மட்டுமே எடுத்துள்ளார். இவர் நீக்கத்தையடுத்து, ஜாஸ் பட்லர் விக்கெட் கீப்பராக இருப்பார் என எதிர்பார்க்கப்படுகிறது. போப் மாற்று விக்கெட் கீப்பராகச் செயல்படுவார். எனினும் பேர்ஸ்டோவ், டி20 அணியில் சேர்க்கப்பட்டுள்ளார்.

இங்கிலாந்து டெஸ்ட் அணி: ஜோ ரூட் (கேப்டன்), ஜோஃப்ரா ஆர்ச்சர், பிராட், ராரி பர்ன்ஸ், ஜாஸ் பட்லர், கிராவ்லி, சாம் கரண், ஜோ டென்லி, ஜேக் லீச், சகிப் முகமது, மேத்யூ பார்கின்சன், ஒல்லி போப், டொமினிக் சிப்லி, பென் ஸ்டோக்ஸ், கிறிஸ் வோக்ஸ்.