Enable Javscript for better performance
11 வருட சர்வதேசப் பயணம்: விராட் கோலி நெகிழ்ச்சிப் பதிவு- Dinamani

உடனுக்கு உடன் செய்திகள்

    11 வருட சர்வதேசப் பயணம்: விராட் கோலி நெகிழ்ச்சிப் பதிவு

    By Raghavendran  |   Published On : 19th August 2019 01:12 PM  |   Last Updated : 19th August 2019 01:12 PM  |  அ+அ அ-  |  

    vk_11_yrs

     

    தனது 11 வருட சர்வதேச கிரிக்கெட் பயணம் குறித்து இந்திய கேப்டன் விராட் கோலி (30) நெகிழ்ச்சியுடன் பதிவிட்டுள்ளார்.

    கடந்த 2008-ஆம் ஆண்டு ஆகஸ்ட் மாதம் 18-ஆம் தேதி இலங்கைக்கு எதிராக சர்வதேசப் போட்டிகளில் விராட் கோலி அறிமுகமானார். இதையடுத்து 2019, ஆகஸ்ட் 18-ஆம் தேதியுடன் 11 வருடங்களைக் கடந்துள்ளார். இதை நினைவுபடுத்தும் விதமாக விராட் கோலியின் இந்தப் பதிவு அமைந்துள்ளது.

    ''இதே நாளில் 2008-ஆம் ஆண்டு டீன் ஏஜில் சர்வதேச அரங்கில் அறிமுகமாகி 2019-ஆம் ஆண்டுன் 11 வருடங்களை கடந்துவிட்டேன். கடவுளிடம் இருந்து இத்தனை பெரிய ஆசிர்வாதம் கிடைக்கும் என கனவு கூட கண்டதில்லை. நீங்கள் அனைவரும் சரியான பாதையில் சென்று பெரும் வெற்றி பெற அனைத்து சக்திகளும் கிடைக்க எனது வாழ்த்துகள்'' என்று விராட் கோலி பதிவிட்டுள்ளார்.  

    முதல் போட்டியில் வெறும் 12 ரன்களில் ஆட்டமிழந்த கோலி, 2009 முதல் தான் சதமடிக்க தொடங்கினார். ஆனால், தற்போது ஒருநாள் போட்டிகளில் அதிக சதங்கள் அடித்தவர்கள் பட்டியலில் 43 சதங்களுடன் 2-ஆம் இடத்தில் உள்ளார். 

    டெஸ்ட், ஒருநாள் தரவரிசையில் முதலிடத்தில் உள்ள கோலி, பல சாதனைகளை படைத்து வருகிறார். அவ்வகையில், 10 ஆண்டுகளில் 20 ஆயிரம் ரன்கள் குவித்த ஒரே வீரர் என்ற தனித்துவம் மிக்க சாதனையை சமீபத்தில் படைத்தார். 

    டெஸ்ட் போட்டிகளில் 2011-ஆம் ஆண்டும், டி20-யில் 2010-ஆம் ஆண்டிலும் அறிமுகமான விராட் கோலி, இதுவரை 239 ஒருநாள் போட்டிகளில் 11,520 ரன்களும், 77 டெஸ்ட் போட்டிகளில் 6,613 ரன்களும், 70 டி20-யில் 2,369 ரன்களும் குவித்துள்ளார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp