மியாமி ஓபன் டென்னிஸ் போட்டி காலிறுதிக்கு சிமோனா ஹலேப் தகுதி பெற்றுள்ளார். ஆடவர் பிரிவில் பெடரர், கெவின் ஆண்டர்சன் ஆகியோர் 4-ஆம் சுற்றுக்கு முன்னேறியுள்ளனர்.
ரோஜர் பெடரர் தனது மூன்றாவது சுற்று ஆட்டத்தில் 7-5, 6-3 என்ற நேர் செட்களில் பிலிப் கிராஜிநோவிக்கை வீழ்த்தினார். தென்னாப்பிரிக்க வீரர் கெவின் ஆண்டர்சன் 6-4, 7-6 என போர்ச்சுகலின் செளஸாவை வீழ்த்தினார். ஜோர்டாம் தாம்ஸ்ன் 7-5, 7-5 என டிமிட்ரோவையும், டெனிஸ் ஷபலபோவ் 6-3, 7-6 என ஆன்ட்ரே ருப்லேவையும் வென்றனர்.
சிமோனா ஹலேப்:
முன்னாள் நம்பர் ஒன் வீராங்கனை சிமோனா ஹலேப் 6-3, 6-3 என வீனஸ் வில்லியம்ஸை வீழ்த்தி காலிறுதிக்கு தகுதி பெற்றார். தைபேயின் ஹை சு வெய் 6-3, 6-7, 6-2 என்ற செட் கணக்கில் கரோலின் வோஸ்னியாக்கியை வென்றார்.