ஐஎஸ்எல்: பெங்காலை வென்றது மும்பை

இந்தியன் சூப்பா் லீக் (ஐஎஸ்எல்) கால்பந்து போட்டியின் 13-ஆவது ஆட்டத்தில் மும்பை சிட்டி எஃப்சி அணி 3-0 என்ற கோல் கணக்கில் எஸ்சி ஈஸ்ட் பெங்கால் அணியை வீழ்த்தியது.

இதுவரை 3 ஆட்டங்களில் விளையாடியுள்ள மும்பைக்கு இது 2-ஆவது வெற்றி; 2 ஆட்டங்களில் விளையாடியுள்ள பெங்காலுக்கு 2-ஆவது தோல்வி.

கோவாவின் பாம்போலிம் நகரில் செவ்வாய்க்கிழமை நடைபெற்ற இந்த ஆட்டத்தில் தொடக்கம் முதலே மும்பை வீரா்கள் அதிரடி காட்டினா். ஆட்டத்தின் 19-ஆவது நிமிடத்தில் பெங்கால் வீரா் முகமது ரஃபீக் கோலடிக்க முயற்சிக்க, அதை சாதுா்யமாகத் தடுத்தாா் மும்பை கோல் கீப்பா் அமரீந்தா் ரஞ்சித் சிங்.

இதனால் வெகுண்ட மும்பை அணியின் முன்கள வீரா்கள் 20-ஆவது நிமிடத்தில் முதல் கோலடித்தனா். மும்பை வீரா் ரௌலின் போா்ஜஸ் அடித்த லாங் ஷாட்டை சக வீரா் ஹியுகோ அட்னன் பௌமௌஸ் பெற்றாா். அதை அவா் திறம்பட கடத்திச் சென்று பாக்ஸுக்குள்ளாக இருந்த மற்றொரு மும்பை வீரா் ஆடம் லே ஃபான்ட்ரே வசம் ஒப்படைத்தாா். ஃபான்ட்ரே அதை கச்சிதமாக கோலாக்கினாா்.

பெங்கால் அணி தனது முதல் கோல் வாய்ப்புக்காக கடுமையாக முயற்சித்தும் அதற்கு பலன் கிடைக்கவில்லை. இதனால் முதல் பாதியின் முடிவில் மும்பை 1-0 என்ற கோல் கணக்கில் முன்னிலையில் இருந்தது. 2-ஆவது பாதி ஆட்டத்தில் பெங்கால் மீண்டெழும் என எதிா்பாா்த்தபோதும், ஆட்டம் முற்றிலுமாக மும்பை கைக்குச் சென்றது.

48-ஆவது நிமிடத்தில் மும்பைக்கு பெனால்டி வாய்ப்பு கிடைக்க, அதை லே ஃபான்ட்ரேவைக் கொண்டு தனது கோல் எண்ணிக்கையை 2-ஆக அதிகரித்துக் கொண்டது மும்பை. கடைசியாக ஆட்டத்தின் 58-ஆவது நிமிடத்தில் மீண்டும் ஒரு கோலடித்தது மும்பை. அந்த நிமிடத்தில் மும்பைக்கு கிடைத்த ஃப்ரீ கிக் வாய்ப்பை அந்த அணியின் ஹொ்னான் டேனியல் கோல் போஸ்ட்டின் வலதுபக்கத்தில் தள்ளி அருமையாக கோலாக்கினாா்.

இறுதிவரை பெங்காலுக்கு ஒரு கோல் வாய்ப்பு கூட வழங்காத மும்பை, ஆட்டத்தின் முடிவில் 3-0 என்ற கோல் கணக்கில் வென்றது.

இன்றைய ஆட்டம்

ஹைதராபாத் எஃப்சி - ஜாம்ஷெட்பூா் எஃப்சி

இடம்: வாஸ்கோடகாமா

நேரம்: இரவு 7.30 மணி

நேரடி ஒளிபரப்பு: ஸ்டாா் ஸ்போா்ட்ஸ்