இந்தியா-ஆஸ்திரேலியா டெஸ்ட் தொடர்: ஆட்டங்கள் இடமாற்றமா? ஆஸி. வாரியம் விளக்கம்

இந்தியா - ஆஸ்திரேலியா இடையேயான 3 மற்றும் 4-ஆவது டெஸ்ட் ஆட்டங்களை இடமாற்றம் செய்யும் எண்ணம் இல்லை என்றும், ஏற்கெனவே நிா்ணயிக்கப்பட்ட இடத்திலேயே ஆட்டங்களை நடத்த விரும்புவதாகவும் ஆஸ்திரேலிய கிரிக்கெட் வாரியம் தெரிவித்தது.

இந்தியா - ஆஸ்திரேலியா டெஸ்ட் தொடரின் 2-ஆவது ஆட்டம் மெல்போா்னிலும், 3-ஆவது ஆட்டம் சிட்னியிலும், 4-ஆவது ஆட்டம் பிரிஸ்பேனிலும் நடைபெற நிா்ணயிக்கப்பட்டுள்ளது.

இந்நிலையில், சிட்னியில் கரோனா நோய்த்தொற்று பாதிப்பு தீவிரமாக இருப்பதாகவும், அதனால் 3-ஆவது டெஸ்ட் நடைபெறும் இடத்தை மாற்ற ஆஸ்திரேலிய கிரிக்கெட் வாரியம் பரிசீலிப்பதாகவும் தகவல்கள் வெளியாகின.

அதாவது 3-ஆவது டெஸ்டை பிரிஸ்பேனிலும், 4-ஆவது டெஸ்டை சிட்னியிலும் நடத்த யோசிப்பதாகத் தகவல் வெளியானது.

இந்நிலையில், அவ்வாறு எந்தவொரு யோசனையும் இல்லை என்றும், சிட்னியிலேயே 3-ஆவது டெஸ்ட்டை நடத்த விரும்புவதாகவும் ஆஸ்திரேலிய கிரிக்கெட் வாரியத்தின் இடைக்கால தலைமை நிா்வாக அதிகாரி நிக் ஹாக்லி கூறினாா்.

இந்நிலையில், ஆஸ்திரேலிய வாரியத்தின் கரோனா சூழலை கண்காணிப்பதற்கான குழு ஞாயிற்றுக்கிழமை கூடி சிட்னியில் கரோனா சூழல் தொடா்பாக ஆலோசித்துள்ளது.