இந்தியாவுக்கு எதிரான முதல் இரு ஒருநாள் ஆட்டங்களிலிருந்து நியூஸிலாந்து கேப்டன் விலகல்!

இந்தியாவுக்கு எதிரான முதல் இரு ஒருநாள் ஆட்டங்களிலிருந்து நியூஸிலாந்து கேப்டன் கேன் வில்லியம்சன் விலகியுள்ளார்.

இதையடுத்து முதல் இரு ஒருநாள் ஆட்டங்களின் நியூஸிலாந்து கேப்டனாக டாம் லதம் நியமிக்கப்பட்டுள்ளார். 3-வது டி20 ஆட்டத்தில் இடது தோள்பட்டையில் காயம் ஏற்பட்டதால் தற்போது ஓய்வில் உள்ள வில்லியம்சன், பிப்ரவரி 11 அன்று நடைபெறவுள்ள 3-ம் ஒருநாள் ஆட்டத்தில் கலந்துகொள்வார் என்று அறிவிக்கப்பட்டுள்ளது. 

வில்லியம்சன் விலகலை அடுத்து, மார்க் சேப்மேன் நியூஸிலாந்து ஒருநாள் அணியில் சேர்க்கப்பட்டுள்ளார். 

இந்தியா - நியூஸிலாந்து அணிகளுக்கு இடையிலான ஒருநாள் தொடர் நாளை முதல் தொடங்குகிறது.