பெண் குழந்தைக்குத் தந்தையானார் ஆஸி. பேட்ஸ்மேன் கவாஜா

33 வயது ஆஸ்திரேலிய பேட்ஸ்மேன் உஸ்மான் கவாஜா, பெண் குழந்தைக்குத் தந்தையாகியுள்ளார்.

தனக்குப் பெண் குழந்தை பிறந்ததை இன்ஸ்டகிராம் தளத்தில் அறிவித்துள்ளார் கவாஜா. இதையடுத்து சக வீரர்களும் ரசிகர்களும் கவாஜாவுக்கு வாழ்த்துகளைத் தெரிவித்துள்ளார்கள். 

ஆஸ்திரேலிய அணிக்காக 33 டெஸ்டுகளும் 40 ஒருநாள் ஆட்டங்களும் விளையாடியுள்ள கவாஜா முறையே 2887, 1554 ரன்கள் எடுத்துள்ளார்.

கடைசியாக, 2019 ஆகஸ்டில் ஆஸ்திரேலிய அணிக்காக விளையாடினார் கவாஜா. இந்த வருடம் ஆஸ்திரேலிய அணி வெளியிட்ட ஒப்பந்த வீரர்களின் பட்டியலில் கவாஜாவின் பெயர் இடம்பெறவில்லை. எனினும் இங்கிலாந்துச் சுற்றுப்பயணத்துக்கான ஆரம்பக்கட்ட ஆஸ்திரேலிய அணியில் அவர் இடம்பெற்றுள்ளார்கள்.