டி20 உலகக் கோப்பை - ஐக்கிய அரபு அமீரகம் மற்றும் ஓமனில் அக்டோபர் 17 முதல் நவம்பர் 14 வரை நடைபெறுகிறது. துபை, அபு தாபி, ஷார்ஜா, ஓமன் என நான்கு பகுதிகளில் டி20 உலகக் கோப்பை நடைபெறவுள்ளது. இந்தியாவில் நடத்தப்படவிருந்த டி20 உலகக் கோப்பை போட்டி, கரோனா சூழல் காரணமாக ஐக்கிய அரபு அமீரகத்துக்கு மாற்றப்பட்டுள்ளது.
டி20 உலகக் கோப்பையில் விளையாடவுள்ள ஆரோன் ஃபிஞ்ச் தலைமையிலான ஆஸ்திரேலிய அணி அறிவிக்கப்பட்டுள்ளது. ஸ்மித், வார்னர், மேக்ஸ்வெல் உள்ளிட்ட முக்கிய வீரர்கள் அனைவரும் அணிக்குத் திரும்பியுள்ளார்கள். விக்கெட் கீப்பர் ஜோஷ் இங்க்லிஷ் புதிதாகத் தேர்வாகியுள்ளார்.
இந்நிலையில் டி20 உலகக் கோப்பைப் போட்டியில் விளையாடும் ஆஸ்திரேலிய அணியைப் பாராட்டி ட்வீட் வெளியிட்டுள்ளார் நியூசிலாந்து முன்னாள் கேப்டன் பிரண்டன் மெக்குல்லம். அவர் கூறியதாவது:
அருமையான அணி. பழைய தோல்விகளை விடுங்கள், டி20 உலகக் கோப்பைப் போட்டியில் ஆஸ்திரேலிய அணி சவால் அளிக்கும் எதிரணியாக இருக்கும். ஜோஷ் இங்க்லிஷ் திறமையுள்ள வீரர் என்று கூறியுள்ளார்.
ஆஸ்திரேலிய அணி இதுவரை டி20 உலகக் கோப்பையை வென்றதில்லை. மேலும் சமீபத்தில் விளையாடிய 5 டி20 தொடர்களிலும் தோல்வியடைந்துள்ளது. இருப்பினும் ஆஸ்திரேலிய அணியைப் பாராட்டி ட்வீட் செய்துள்ளார் மெக்குல்லம்.
ஆஸ்திரேலிய அணி: ஆரோன் ஃபிஞ்ச் (கேப்டன்), டேவிட் வார்னர், ஸ்மித், மேக்ஸ்வெல், மிட்செல் மார்ஷ், மேத்யூ வேட், அகர், பேட் கம்மின்ஸ், ஸ்டார்க், கேன் ரிச்சர்ட்சன், ஸாம்பா, ஹேஸில்வுட், ஸ்டாய்னிஸ், ஸ்வப்சன், ஜோஷ் இங்லிஷ்.
மாற்று வீரர்கள்: டேன் கிறிஸ்டியன், நாதன் எல்லிஸ், டேனியல் சாம்ஸ்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.