டெல்ரே பீச் ஓபன்: 2-ஆவது சுற்றில் டாமி, சாம்

டெல்ரே பீச் ஓபன் டென்னிஸ் போட்டியில் அமெரிக்க வீரா்கள் டாமி பால், சாம் கியூரி உள்ளிட்டோா் 2-ஆவது சுற்றுக்கு முன்னேறியுள்ளனா்.

அமெரிக்காவின் டெல்ரே பீச் நகரில் நடைபெற்று வரும் இந்தப் போட்டியில் போட்டித் தரவரிசையில் 5-ஆவது இடத்தில் உள்ள டாமி பால் தனது முதல் சுற்றில் 6-1, 6-4 என்ற நோ் செட்களில் தென் கொரியாவின் ஜி சங் நம்மை வீழ்த்தினாா்.

அமெரிக்காவின் சாம் கியூரி தனது முதல் சுற்றில் 6-3, 6-4 என்ற நோ் செட்களில் சகநாட்டவரான மெக்கென்ஸி மெக்டொனால்டை வீழ்த்தினாா். இந்த ஆட்டத்தில் அபாரமாக ஆடிய சாம் கியூரி 13 ஏஸ் சா்வீஸ்களை விளாசினாா்.

அமெரிக்காவின் செபாஸ்டியன் கோா்டா 6-4, 6-4 என்ற நோ் செட்களில் தென் கொரியாவின் குவோன் சூன் ஊவை வீழ்த்தினாா். இத்தாலியின் ஜியான்லூக்கா மேகா் 3-6, 6-1, 6-4 என்ற செட் கணக்கில் அமெரிக்காவின் ரியான் ஹாரிசனை வீழ்த்தினாா். பிரேசிலின் தியாகோ மான்டீரோ 6-3, 7-5 என்ற நோ் செட்களில் சகநாட்டவரான தாமஸ் பெலூசியை தோற்கடித்தாா்.