யுஎஸ் ஓபன் டென்னிஸ் போட்டியின் ஆடவா் இரட்டையா் பிரிவில் இங்கிலாந்தின் ஜோ சாலிஸ்பரி/அமெரிக்காவின் ராஜீவ் ராம் ஜோடி சாம்பியன் ஆனது.
போட்டித்தரவரிசையில் 4-ஆம் இடத்தில் இருந்த அந்த ஜோடி இறுதிச்சுற்றில் 3-6, 6-2, 6-2 என்ற செட்களில், போட்டித்தரவரிசையில் 7-ஆம் இடத்திலிருந்த இங்கிலாந்தின் ஜேமி முா்ரே/பிரேஸின் புருனோ சோரஸ் இணையை வீழ்த்தியது.
ஜோ/ராஜீவ் ஜோடிக்கு இது 2-ஆவது கிராண்ட்ஸ்லாம் பட்டமாகும். முன்னதாக கடந்த ஆண்டு ஆஸ்திரேலிய ஓபனிலும் இந்த இணை பட்டம் வென்றிருந்தது குறிப்பிடத்தக்கது.
இதனிடையே, மகளிா் இரட்டையா் பிரிவு இறுதிச்சுற்றில் அமெரிக்காவின் கேட்டி மெக்நாலி/கோகோ கௌஃப் இணை, ஆஸ்திரேலியாவின் சமந்தா ஸ்டோசா்/சீனாவின் ஷுவாய் ஸாங் ஜோடியை ஞாயிற்றுக்கிழமை சந்திக்கிறது.