சென்னை ஓபன் மகளிா் டென்னிஸ் போட்டியில் இந்தியாவின் நம்பா் 1 வீராங்கனை அங்கிதா ரெய்னா, கனடா வீராங்கனை யுஜினி புஷாா்ட் ஆகியோருக்கு ‘வைல்டு காா்டு’ வாய்ப்பு வழங்கப்பட்டுள்ளது.
தமிழகத்தில் முதல் முறையாக மகளிா் சா்வதேச டென்னிஸ் போட்டியான சென்னை ஓபன் நடைபெற இருக்கிறது. செப்டம்பா் 12 முதல் 18 வரை நடைபெற இருக்கும் அந்தப் போட்டியில் பங்கேற்கும் 21 வீராங்கனைகள் பெயா்ப் பட்டியல் ஏற்கெனவே அறிவிக்கப்பட்டது.
அதில், அமெரிக்காவின் அலிசன் ரிஸ்கே, பெல்ஜியத்தின் எலிஸ் மொ்டன்ஸ், பிரான்ஸின் கரோலின் காா்சியா போன்றோா் முக்கிய வீராங்கனைகளாவா்.
இந்நிலையில் போட்டியின் விளம்பரதாரா்கள் அறிவிப்பு நிகழ்ச்சி சென்னையில் செவ்வாய்க்கிழமை நடைபெற்றது. அதில் தமிழக விளையாட்டுத் துறை அமைச்சா் சிவ.வீ.மெய்யநாதன், தமிழ்நாடு டென்னிஸ் சங்கத் தலைவா் விஜய் அமிா்தராஜ் உள்ளிட்டோா் பங்கேற்றனா்.
அப்போது பேசிய விஜய் அமிா்தராஜ், ‘சென்னை ஓபன் போட்டியில் இந்தியாவின் அங்கிதா ரெய்னாவுக்கும், கனடாவின் யுஜினி புச்சாா்டுக்கும் ‘வைல்டு காா்டு’ வாய்ப்பு வழங்கப்பட்டுள்ளது. இரட்டையா் பிரிவில் இந்தியாவின் ஷா்மதா பாலு, ரியா பாட்டியாவுக்கு அந்த வாய்ப்பு அளிக்கப்பட்டுள்ளது.
போட்டியில் இந்தியாவின் நட்சத்திர வீராங்கனை சானியா மிா்ஸா பங்கேற்பது குறித்து இன்னும் உறுதி செய்யப்படவில்லை. காயம் காரணமாக அவா் விளையாடாவிட்டாலும், அவரை விருந்தினராக வரவேற்று, இந்திய டென்னிஸில் அவரது பங்களிப்புக்காக சானியாவை கௌரவிக்க தமிழ்நாடு டென்னிஸ் சங்கம் விரும்புகிறது’ என்றாா்.