டி20: 64 பந்துகளில் 154* ரன்கள் குவித்து மேக்ஸ்வெல் சாதனை

பிக் பாஷ் லீக் போட்டியில் 64 பந்துகளில் ஆட்டமிழக்காமல் 154 ரன்கள் எடுத்து சாதனை படைத்துள்ளார் கிளென் மேக்ஸ்வெல்.

மெல்போர்னில் மெல்போர்ன் ஸ்டார்ஸ் - ஹோபார்ட் ஹரிகேன்ஸ் அணிகளுக்கு இடையிலான பிக் பாஷ் லீக் டி20 ஆட்டம் நடைபெற்று வருகிறது. முதலில் பேட்டிங் செய்த மெல்போர்ன் அணி, மேக்ஸ்வெல்லின் அதிரடி ஆட்டத்தால் 20 ஓவர்களில் 2 விக்கெட் இழப்புக்கு 273 ரன்கள் குவித்துள்ளது. தொடக்க வீரராகக் களமிறங்கிய கேப்டன் மேக்ஸ்வெல், 64 பந்துகளில் 4 சிக்ஸர்கள், 22 பவுண்டரிகளுடன் ஆட்டமிழக்காமல் 154 ரன்கள் எடுத்து சாதனை படைத்துள்ளார். 18-வது ஓவரில் சந்தீப் லமிச்சனே ஓவரில் தொடர்ச்சியாக 5 பவுண்டரிகள் அடித்து அசத்தினார். 

பிபிஎல் போட்டியின் 11 வருடத்தில் இதுவே அதிகபட்ச தனிநபர் ஸ்கோராகும். இதற்கு முன்பு ஸ்டாய்னிஸ் 79 பந்துகளில் 147 ரன்கள் எடுத்ததே அதிகபட்சமாக இருந்தது. அச்சாதனையை மேக்ஸ்வெல் முறியடித்துள்ளார். மேலும் டி20 கிரிக்கெட்டில் இது 3-வது அதிகபட்ச ஸ்கோராகும். இதற்கு முன்பு ஆப்கானிஸ்தான், செக் குடியரசு அணிகள் 20 ஓவர்களில் அதிகபட்சமாக தலா 278 ரன்கள் எடுத்தன.