ஐபிஎல் அட்டவணை: முதல் ஆட்டத்தில் சென்னை-கொல்கத்தா மோதல்

2022-ம் ஆண்டு ஐபிஎல் சீசனின் முதல் ஆட்டத்தில் சென்னை சூப்பர் கிங்ஸ் - கொல்கத்தா நைட் ரைடர்ஸ் அணிகள் மோதுகின்றன. 

2022-ம் ஆண்டுக்கான ஐபிஎல் அட்டவணையை பிசிசிஐ வெளியிட்டுள்ளது. மார்ச் 26-ம் தேதி தொடங்கும் லீக் ஆட்டங்கள் மும்பை மற்றும் புணே நகரங்களில் மே 22-ம் தேதி வரை நடைபெறுகின்றன. 65 நாள்களில் 70 லீக் ஆட்டங்கள் மற்றும் 4 பிளே ஆஃப் ஆட்டங்கள் நடைபெறவுள்ளன. 

மும்பை வான்கடே மைதானத்தில் நடைபெறும் முதல் ஆட்டத்தில் சென்னை சூப்பர் கிங்ஸ் அணி கொல்கத்தா நைட் ரைடர்ஸை எதிர்கொள்கிறது.

மே 22-ம் தேதி நடைபெறும் கடைசி லீக் ஆட்டத்தில் சன்ரைசர்ஸ் ஹைதராபாத் மற்றும் பஞ்சாப் கிங்ஸ் அணிகள் விளையாடுகின்றன.

பிளே ஆஃப் சுற்று மற்றும் இறுதிப் போட்டிக்கான அட்டவணை பின்னர் வெளியிடப்படும் என பிசிசிஐ தெரிவித்துள்ளது.

ஐபிஎல் முழு அட்டவணை: இங்கே க்ளிக் செய்யவும்..