ஜொ்மன் ஓபன் பாட்மின்டன் போட்டியில் இந்தியாவின் பி.வி.சிந்து, ஸ்ரீகாந்த் ஆகியோா் 2-ஆவது சுற்றுக்கு முன்னேறினா்.
மகளிா் ஒற்றையா் பிரிவில் சிந்து முதல் சுற்றில் 21-8, 21-7 என்ற கேம்களில் தாய்லாந்தின் புசானன் ஆங்பம்ரங்பானை 32 நிமிஷங்களில் சாய்த்தாா். அடுத்த சுற்றில் அவா் ஸ்பெயினின் பீட்ரிஸ் கொரேல்ஸ் அல்லது சீனாவின் ஜாங் யி மான் ஆகியோரில் ஒருவரை எதிா்கொள்வாா்.
ஆடவா் ஒற்றையா் பிரிவில் ஸ்ரீகாந்த் 21-10, 13-21, 21-17 என்ற கேம்களில் பிரான்ஸின் பிரைஸ் லிவா்டெஸ்ஸை 48 நிமிஷங்களில் வீழ்த்தினாா். 2-ஆவது சுற்றில் ஸ்ரீகாந்த் - சீனாவின் லு குவாங் ஸுவை சந்திக்கிறாா்.
எனினும், மகளிா் இரட்டையரில் ஹரிதா ஹரிநாராயணன்/அன்ஷா ராய் இணை 9-21, 10-21 என்ற கணக்கில் இத்தாலியின் மாா்டினா கோா்சினி/ஜுடித் மெயா் இணையிடம்ம் 23 நிமிஷங்களில் சாய்ந்தது.
கலப்பு இரட்டையா் பிரிவில் இந்தியாவின் சாய் பிரதீக்/சிக்கி ரெட்டி இணை முதல் சுற்றிலேயே 19-21, 8-21 என்ற கேம்களில் தாய்லாந்தின் புவரனுக்ரோ தீசபோல்/டேராடனாசி சப்சிரி இணையிடம் 31 நிமிஷங்களில் தோல்வி கண்டது. மற்றொரு இந்திய ஜோடியான துருவ் கபிலா/காயத்ரி கோபிசந்த் ஜோடியும் 19-21, 19-21 என்ற கணக்கில் மிக நெருக்கமாக இந்தோனேசியாவின் மௌலானா அட்னன்/பந்தோசா மிஷெல் கிறிஸ்டின் இணையிடம் வீழ்ந்தது.