இங்கிலாந்து டெஸ்ட் அணியில் மீண்டும் இடம்பிடித்த ஆண்டர்சன், பிராட்

நியூசிலாந்துக்கு எதிரான டெஸ்ட் தொடரில் விளையாடும் இங்கிலாந்து அணி இன்று அறிவிக்கப்பட்டுள்ளது.

நியூசிலாந்து அணி இங்கிலாந்துக்குச் சுற்றுபயணம் செய்து மூன்று டெஸ்டுகளில் விளையாடுகிறது. இந்த டெஸ்ட் தொடரில் புதிய கேப்டன் (ஸ்டோக்ஸ்), புதிய பயிற்சியாளருடன் (மெக்குல்லம்) களமிறங்குகிறது இங்கிலாந்து அணி.

இந்நிலையில் டெஸ்ட் தொடரில் இரு டெஸ்டுகளுக்கான இங்கிலாந்து அணி இன்று அறிவிக்கப்பட்டுள்ளது. டெஸ்ட் அணியில் மூத்த வீரர்களான ஜேம்ஸ் ஆண்டர்சனும் கிறிஸ் பிராடும் மீண்டும் இடம்பிடித்துள்ளார்கள். காயம் காரணமாகக் கடைசியாக இங்கிலாந்து டெஸ்ட் அணியில் இடம்பெற்ற டான் லாரன்ஸ், கிறிஸ் வோக்ஸ், சகிப் முகமது ஆகியோர் தற்போதைய அணியில் இடம்பெறவில்லை. ஹாரி புரூக், மேத்யூ பாட்ஸ் என இரு புதுமுகங்கள் சேர்க்கப்பட்டுள்ளார்கள். 

ஸ்டோக்ஸ், மெக்குல்லம் பொறுப்பில் உள்ள எங்கள் டெஸ்ட் அணியின் புதிய சகாப்தத்தின் தொடக்கம் இது என அணியை அறிவித்த இங்கிலாந்து கிரிக்கெட் வாரியத்தின் புதிய நிர்வாக இயக்குநர் கூறினார். 

ஜூன் 2 அன்று தொடங்கும் டெஸ்ட் தொடர், ஜூன் 27 அன்று நிறைவுபெறுகிறது. 

இங்கிலாந்து அணி (முதல் இரு டெஸ்டுகள்)

பென் ஸ்டோக்ஸ் (கேப்டன்), அலெக்ஸ் லீஸ், ஸாக் கிராவ்லி, போப், ஜோ ரூட், ஜானி பேர்ஸ்டோ, ஹாரி புரூக், பென் ஃபோக்ஸ், கிரைக் ஓவர்டன், ஸ்டூவர்ட் பிராட், ஜேம்ஸ் ஆண்டர்சன், ஜேக் லீச், மேத்யூ பாட்ஸ்.