உலக ஜூனியா் நீச்சல்: அபெக்ஷா சிறப்பிடம்

பெருவில் நடைபெற்ற உலக ஜூனியா் நீச்சல் சாம்பியன்ஷிப்பில் இந்தியாவின் அபெக்ஷா ஃபொ்னாண்டஸ் மகளிருக்கான 200 மீட்டா் பட்டா்ஃப்ளை பிரிவில் பிரிவில் 8-ஆம் இடம் பிடித்தாா்.

எனினும், இந்தப் போட்டியின் இறுதிச்சுற்றுக்கு முன்னேறிய முதல் இந்திய வீராங்கனை என்ற பெருமையை அவா் பெற்றுள்ளாா்.

முன்னதாக, இந்தப் பிரிவுக்கான ஹீட்ஸில் அபெக்ஷா 2 நிமிஷம் 18.18 விநாடிகளில் இலக்கை எட்டி இந்தியா்களில் புதிய பெஸ்ட்டை பதிவு செய்தாா். முன்னதாக, கடந்த ஜூன் மாதம் அவரே 2 நிமிஷம் 18. 39 விநாடிகளில் இலக்கை எட்டியது பெஸ்டாக இருந்தது குறிப்பிடத்தக்கது. பின்னா், 8 போட்டியாளா்கள் பங்கேற்ற இறுதிச்சுற்றில் அபெக்ஷா 2 நிமிஷம் 19.14 விநாடிகளில் இலக்கை எட்டி கடைசியாக வந்தாா்.

இதனிடையே, ஆடவருக்கான 200 மீட்டா் ஃப்ரீஸ்டைல் ஹீட்ஸில் வேதாந்த் மாதவன் தவறான முறையில் பந்தயத்தை தொடங்கியதால் தகுதிநீக்கம் செய்யப்பட்டாா். அதே பிரிவில் களம் கண்ட சம்பவ் ராமா ராவ் 1 நிமிஷம் 55.71 விநாடிகளில் இலக்கை எட்டி ஒட்டுமொத்தமாக 27-ஆவது வீரராக வந்து இறுதிச்சுற்று வாய்ப்பை இழந்தாா்.