யு.எஸ். ஓபன்: அரையிறுதியில் மோதும் வீராங்கனைகள்!

யு. எஸ். ஓபன் போட்டியில் அரையிறுதியில் மோதும் வீராங்கனைகளின் பட்டியல் உறுதியாகியுள்ளது.

இந்தமுறை யு.எஸ். ஓபன் போட்டியில் மகளிர் ஒற்றையர் பிரிவில் தரவரிசையில் முதல் 6 வீராங்கனைகளில் உள்ள மூன்று பேர் அரையிறுதிக்கு நுழைந்துள்ளார்கள். 

போலந்தைச் சேர்ந்த நெ.1 வீராங்கனை ஸ்வியாடெக் 6-3, 7-6 (4) என்ற நேர் செட்களில் அமெரிக்காவின் ஜெசிகா பெகுலாவுக்கு எதிரான காலிறுதி ஆட்டத்தை வென்று அரையிறுதிக்கு முன்னேறினார். பெலாரஸின் அரினா சபலேன்கா,  ஆன்ஸ் ஜபேர், கரோலினா கார்சியா ஆகியோரும் அரையிறுதிக்கு முன்னேறியுள்ளார்கள். மகளிர் ஒற்றையர் தரவரிசையில் ஸ்வியாடெக் முதல் இடத்திலும் ஆன்ஸ் ஜபேர் 5-வது இடத்திலும் அரினா சபலேன்கா 6-வது இடத்திலும் கரோலினா கார்சியா 17-வது இடத்திலும் உள்ளார்கள். 

யு.எஸ். ஓபன் மகளிர் ஒற்றையர் பிரிவு அரையிறுதியில் ஸ்வியாடெக் - அரினா சபலேன்கா, ஆன்ஸ் ஜபேர் -  கரோலினா கார்சியா இடையிலான மோதல் நடைபெறவுள்ளது.