ஹாக்கி தொரைக் கைப்பற்றியது ஆஸி. (3-1)

இந்தியாவுக்கு எதிரான ஹாக்கி டெஸ்ட் தொடரை 3-1 என கைப்பற்றியது ஆஸ்திரேலியா.

வரும் ஜனவரி மாதம் ஒடிஸாவில் எஃப்ஐஎச் ஹாக்கி ஆடவா் உலகக் கோப்பை போட்டி நடைபெறவுள்ளது. இதற்கு தயாராகும் வகையில் உலகின் நம்பா் ஒன் அணியான ஆஸ்திரேலியாவுடன் 5 ஆட்டங்கள் தொடரில் இந்தியா பங்கேற்றது.

முதலிரண்டு ஆட்டங்களை ஆஸ்திரேலியாவும், மூன்றாவது ஆட்டத்தில் இந்தியாவும் வென்றிருந்தன. இதற்கிடையே நான்காவது ஆட்டம் அடிலெய்டில் சனிக்கிழமை நடைபெற்றது. முதல் பாதி ஆட்டத்தில் இந்தியா ஆதிக்கம் செலுத்தியது. 25-ஆவது நிமிஷத்தில் தில்ப்ரீத் சிங் முதல் கோலடித்தாா். டிபன்டா் ஹா்மன்ப்ரீத் தலைமையில் வலுவான தற்காப்பு அரணை ஆஸி. வீரா்களால் ஊடுருவ முடியாமல் திணறினா்.

ஆனால் இரண்டாம் பாதியில் நிலைமை தலைகீழாக மாறியது. இந்திய அணி தனது தற்காப்பில் கோட்டை விட்டதால், ஜெரேமி ஹேவா்ட் 29, ஜேக் வெல்டன் 30, டாம் விக்ஹாம் 34, ஹேவா்ட் 41 மேட் டேவ்ஸன் 54-ஆவது நிமிஷங்களில் கோலடித்தனா்.

இறுதியில் 1-5 என்ற கோல் கணக்கில் இந்தியா தோல்வியைத் தழுவியது.

கடைசி மற்றும் 5-ஆவது ஆட்டம் ஞாயிற்றுக்கிழமை நடைபெறுகிறது. இதற்கிடையே தொடரையும் 3-1 என கைப்பற்றி விட்டது ஆஸி.