பிரபல ஆஸி. வீரர் கிளென் மேக்ஸ்வெல்லுக்கு கரோனா

பிரபல ஆஸி. வீரர் கிளென் மேக்ஸ்வெல், கரோனாவால் பாதிக்கப்பட்டுள்ளார்.

33 வயது மேக்ஸ்வெல், ஆஸ்திரேலிய அணிக்காக 2012 முதல் 7 டெஸ்டுகள், 116 ஒருநாள், 79 டி20 ஆட்டங்களில் விளையாடியுள்ளார்.

தற்போது நடைபெற்று வரும் பிக் பேஷ் டி20 லீக் போட்டியில் மெல்போர்ன் ஸ்டார்ஸ் அணியின் கேப்டனாக உள்ள மேக்ஸ்வெல், கரோனாவால் பாதிக்கப்பட்டுள்ளார். அந்த அணியில் கரோனாவால் பாதிக்கப்பட்டுள்ள 13-வது வீரர் என்பதால் பிபிஎல் போட்டி தொடர்ந்து நடைபெறுமா என்கிற கேள்வி எழுந்துள்ளது. ரேபிட் ஆண்டிஜன் பரிசோதனையில் மேக்ஸ்வெல்லுக்கு கரோனா உறுதியாகியுள்ளது. இதையடுத்து பிசிஆர் பரிசோதனையை அவர் மேற்கொண்டுள்ளார். அதன் முடிவு வரும்வரை மேக்ஸ்வெல் தனிமைப்படுத்தப்படுவார் எனத் தெரிவிக்கப்பட்டுள்ளது.